Մայրը 2 երեխաների հետ վրաերթի է ենթարկվել. Փոքրիկը մանկասայլակից դուրս է թռել

Երեկ՝ ժամը 12:30-ին, Նուբարաշենում վրաերթի է ենթարկվել մայրը՝ իր 2 մանկահասակ երեխաների հետ:

«Փաստինֆո»-ի տեղեկություններով՝ վրաերթի ենթարկված կինը 34 տարեկան է, որդին 6 տարեկան, իսկ դուստրը՝ ընդամենը մի քանի ամսական:

Վրաերթի հետևանքով փոքրիկը մանկասայլակից դուրս է թռել, իսկ մեքենան բախվել է ճամփեզրին կայանված մեկ այլ ավտոմեքենայի:

Ստացած մարմնական վնասվածքներով՝ կինը տեղափոխվել է «Էրեբունի» ԲԿ, իսկ երեխաները՝ «Սուրբ Աստվածամայր» ԲԿ: