Մեծահարուստների դեմ անզոր են…

Քանդակագործ Լեւոն Թոքմաջյանը խոսելով մշակութային արժեքների պահպանման մասին ասաց. «Փակ շուկան գեղեցիկ կառույց էր ու հանկարծ իմանում ենք, որ այն պետք է քանդվի: Վրդովմունքը մեծ էր եւ մտածում էի, որ գոնե ինչ-որ բաներ կպահպանվեն եւ իրոք արտաքին տեսքից որոշ բաներ հիմա էլ կան: Բայց բոլոր դեպքերում դա գնում  է  դեպի «Երեւան սիթի»: Եվ երիտասարդների այդ պայքարն ու նախաձեռնությունները ուրախացնում են, որ նրանք ոտքի են կանգնել ու չեն ցանկանում համաձայնվել, հակառակվում են, ձայն են բարձրացնում, շատ լավ է այդ ըմբոստությունը, բայց արդյոք այդ ըմբոստությունը մինչեւ  վերջ կգնա եւ արդյունք կտա, որովհետեւ այդ շուկայի հետեւում կանգնած են մեծահարուստներ, ներդրումներ են կատարվում, ապա առայժմ պետք է ուրախանանք նույն այդ Փակ շուկայի  արտաքին երեւույթներով: Ցանկություն ունեմ, որ երեւան եկողը հին Երեւանից ինչ-որ բան տեսնի»,- այսօր «Ֆորում» մամուլի ակումբում լրագրողների հետ հանդիպման ժամանակ խոսելով մշակութային արժեքների պահպանման մասին,  ասաց   քանդակագործ Լեւոն Թոքմաջյանը:

Քանդակագործը անդրադարձավ նաեւ հասարակական շարժումներին. «Գիտեք, ըմբոստությունը լ ավ  բան է, լավ է, որ  դա մեր  իրականության մեջ կա, բայց երբեմն ինձ մոտ տպավորություն այնպիսինն է,  թե այդ ակցիաները արվում են, լոկ մոդայից ետ չմնալու համար, այսինքն` տեսնում են արտասահմանում անում են, մտածում են` հետ չմնանք: Ամեն դեպքում ակտիվիստների պայքարը հույս ներշնչում է: Ես երեւույթն եմ գնահատում, բայց Ծածկած շուկայի դեպքում ես զգացի, որ անզոր են.  ճիշտ է,  ինչ-որ բաներ պահպանվեցին, բայց հիմնականը կորցրինք»:

Քանդակագործ, Լեւոն Թոքմաջյանը, ով նաեւ Երեւանի քաղաքապետարանի Քաղաքաշինության հանձնաժողովի անդամ է, մտահոգություն հայտնեց այն առթիվ, որ,  իրենց խորհուրդը նույնպես,  խնդիրների առաջ է կանգում: Օրինակ, բոլորովին  վերջերս, Հրանտ Շահինյանի կինը մոտեցել էր Գագիկ Ծառուկյանին եւ խնդրել է, որ իր ամուսնու արձանը  տեղադրեն  դպրոցի բակում, իսկ Ծառուկյանն էլ ասել էր,  ոչ մի խնդիր: Արդեն այդ աշխատանքները տարվում են,  հիմա էլ արդեն քարն  են տաշում, հինգ մետրանոց արձան են  սարքում, գրեթե ամեն բան պատրաստ է, նոր մեզանից կարծիք են հարցնում: Այդպես չի լինում. Գործը սկսելուց առաջ պետք է հաշվի առնեն մասնագետների կարծիքները:  Բայց դե գուցե արդեն, սա է լ է օրինաչափություն  է  դարձել, չգիտեմ…»

Զառա  Ղազարյան