Մեկ ամբաստանյալն արդարացվել է, մյուսի նկատմամբ ժամկետանց գործը կարճվել է

Հասարակության և պետության կարիքների համար անշարժ գույքի սեփականությունից հրաժարվելու և դրա դիմաց փոխհատուցման կարգով բնակելի մակերես հատկացնելու պայմանագրերի վերաբերյալ գործով մեկ ամբաստանյալի մասով կայացվել է արդարացման դատավճիռ, իսկ մյուսի մասով գործը կարճվել է:

Ինչպես «Փաստինֆո»-ի թղթակցին հայտնեցին Դատական դեպարտամենտից, ամբաստանյալ Ռադիկ Եսայանն արդարացվել է ՀՀ քրեական օրենսգրքի 178-րդ հոդվածի 3-րդ մասի 1-ին կետով՝ առանձնապես խոշոր չափերի խարդախություն, մեղադրանքում. դատարանը ճանաչել ու հռչակել է նրա անմեղությունը: Ռադիկ Եսայանի նկատմամբ ընտրված խափանման միջոցը` չհեռանալու մասին ստորագրությունը, վերացվել է:

Ռադիկ Եսայանին պարզաբանվել է ՀՀ քրեական դատավարության օրենսգրքի 66-րդ և 67-րդ հոդվածներով սահմանված` արդարացվածի և նրան պատճառված /հնարավոր/ վնասի հատուցման` նրա իրավունքներն ու հատուցման կարգը:

Իսկ ամբաստանյալ Տիգրան Մուշեղյանն ազատվել է ՀՀ քրեական օրենսգրքի 214-րդ հոդվածի 2-րդ մասով (առևտրային կամ այլ կազմակերպության ծառայողի կողմից լիազորությունները չարաշահելը, որն առաջացրել է ծանր հետևանքներ), նախատեսված քրեական պատասխանատվությունից՝ վաղեմության ժամկետն անցնելու հիմքով:

Ըստ մեղադրական եզրակացության՝ 2006թ. փետրվարի 9-ից ՀՀ արդարադատության նախարարության իրավաբանական անձանց պետական ռեգիստրում հաշվառված «Լիդեր Մոբիլ» ՍՊ ընկերության փաստացի, իսկ 2008թ. դեկտեմբերի 8-ից՝ նաև միակ գրանցված մասնակիցն ու տնօրեն Տիգրան Մուշեղյանը Երևան քաղաքի վարչական սահմաններում բացառիկ՝ գերակա հանրային շահ ճանաչված Ամիրյան, Սարյան և Բուզանդ փողոցներին հարող՝ ընդհանուր 5122,6 քմ. մակերեսում քաղաքաշինական ծրագրերի շրջանակներում կառուցապատում իրականացելու նպատակով ձեռք բերված իրավունքի հիման վրա, «Երևանի կառուցապատման ներդրումային ծրագրերի իրականացման գրասենյակ» ՊՈԱԿ-ի միջոցով Երևան քաղաքի Բուզանդի փողոցի 103-րդ, 105-րդ և 107-րդ հասցեներում գտնվող բնակելի շինությունների թվով 21 սեփականատերերի հետ 2007–2008թթ. կնքել է «Հասարակության և պետության կարիքների համար անշարժ գույքի սեփականության օգտագործման իրավունքներից, տնօրինումից, տիրապետումից և օգտագործումից հրաժարվելու, անձանց հաշվառումից հանելու, դրա դիմաց փոխհատուցման կարգով բնակելի մակերես հատկացնելու» վերաբերյալ պայմանագրեր։  

 մանրամասները՝ սկզբնաղբյուրում