Մենք հետ ենք վարժվել աշխատելուց, կամ աշխատանքով ապրելուց

Համայնք

Արագած գյուղը գտնվում է Էջմիածնի տարածաշրջանում,մայրաքաղաքից 28կմ հեռավորության վրա:Գյուղը բնակեցված է 1829 թվականից` Ռուս-պարսկական պատերազմից հետո Խոյից գաղթած բնակիչներով: Նրանք թուրք-պարսկական բախումների ժամանակ Սալմաստի գավառ են տեղափոխվել Արևմտյան Հայաստանի Խիզան ,Ղիզան, Կիզան գավառից և իրենց արմատներին հավատարիմ գյուղը նախկինում կոչել են Խզնավուզ,Ղզնավուզ, Կզնավուզ: Այժմ պահպանվում են քաղաքի միջնաբերդի ավերակները 8-րդ. մ.թ.ա.: Այսօր գյուղն ունի 700 տնտեսություն,3800 բնակիչ:

Գյուղն ունի միջնակարգ դպրոց, որն անվանակոչվել է զոհված ազատամարտիկի Մ. Մեխակյանի անունով: Համայնքն ունի դպրոց, մանկապարտեզ, մշակույթի տուն, գրադարան, մարզական հաստատություններ`լողավազան,ֆուտբոլի դաշտ:Բնակչության հիմնական զբաղմունքը` հողագարծությունն է. բանջարաբոստանային կուլտուրաների մշակությունը և պտղագործությունը: Արագած գյուղը հանրապետությունում հայտնի է որպես թարխունի առաջին մատակարար. ամեն տարի այստեղ մոտ 60 հա թարխուն է մշակվում Արագածը հարուստ է նաև ծիրանի, խնձորի, դեղձի, տանձի, սալորի, ընկույզի այգիներով: Համայնքապետը վստացենում է` իրենց մոտ բացի ձմերուկից ու սեխից մնացած ամեն ինչ մշակում են:
Արագած համայնքի ղեկավար Աշոտ Կամավոսյանից հետաքրքրվեցինք
թե ի՞նչպես են իր համայնքի բնակիչները պատրաստվում դեկտեմբերի 6-ին կայանալիք Սահմանադարական  բարեփոխումների հանրաքվեին: Գյուղապետը վստահեցրեց, որ իրենց համայնքը պատրաստ է ընտրությունների, եւ որ համայնքը՝  մի ընտանիքի պես, միահամուռ կերպով մասնակցելու է հանրաքվեին, ու բնականաբար զգալի հատվածը «Այո» է ասելու Սահմանադրական բարեփոխումներին:

-Լավ է, որ Ձեր համայնքը միահամուռ է, սակայն ասում են, որ համայնքից շատ են արտագաղթողները: Ի՞նչ կասեք դրա մասին:

-Ամենամեծ խնդիրն այսօր արտագաղթն եմ համարում։ Կարծես վարժվել ենք այն մտքի հետ, որ մեզանից շատերը կարող են շենացնել ուրիշի հողն ու տունը, արարել ու ստեղծել օտարի համար՝ մոռանալով, որ ուրիշի հողում վերջիվերջո օտար ենք Այո, գյուղից արտագաղթողների թիվն աճել է, աշխատունակ տարիքի տղամարդիկ և երիտասարդները գնում են արտագնա աշխատանքի, ոմանք մայրաքաղաքում, ոմանք էլ արտասահմանում աշխատանք փնտրելու են գնում։ Շատերը գնում են սեզոնին աշխատում ու հետ են գալիս, որոշ մասն էլ հետ է գալիս, ընտանիքները վերցնում ու գնում: Մարդիկ արտագնա աշխատանքի են մեկնում՝ աշխատանք չունենալու պատճառով։ Մեր գյուղում արտագաղթ չի եղել, բայց 3 տարի առաջ մարդիկ սկսեցին գյուղից դուրս գալ և բնակչության թիվը զգալիորեն կրճատվեց։ Վերջին տարիների եղանակն անբարենպաստ էր գյուղատնտեսական աշխատանքների համար՝ շատ կարկուտ եկավ, ցրտահարություն եղավ, մարդիկ վարկերի տակ մնացին ու դրսում սկսեցին գործ գտնել:

-Պրն.Կամավոսյան վերջիվերջո գյուղացին ինչպե՞ ս է կարողանում լուծել իր սոցիալական խնդիրները:

– Ես ամեն օր ցավով բախվում եմ մեր գյուղի բնակիչների սոցիալական խնդիրների հետ: 
Սակայն, պետք է խոսեմ նաև երևույթի հակառակ կողմի մասին.նույն օգնություն ակնկալողներին,երբ որ առաջարկում ես ինչ որ աշխատանք,նրանք միանգամից հրաժարվում են :Մենք հետ ենք վարժվել աշխատելուց կամ աշխատանքով ապրելուց:Մարդիկ կարծում են, որ ներկայումս մեկը մյուսին պարտական է ինչ որ բանով, սակայն չեն կարողանում հասկանալ ,որ ամենինչ գալիս է աշխատանք չգտնելուց, չաշխատելուց:Հետաքրքիրը գիտեք որն է ,աշխատանք չունենալու պատճառներից նաև ցանկանում եմ ավելացնել ներկայիս երիտասարդությունը իսկապես չի ցանկանում աշխատել , ամենինչ միանգամից է ուզում ունենալ, առանց ետևում կյանքի պատմություն թողնելով: Սակայն այդ խնդիրը ևս փորձում ենք հաղթահարել և հասնել արդյունքի:

-Պարոն Կամավոսյան, իսկ  վերջին տարիներին ի՞նչ ծրագրեր եք իրականացրել Ձեր ղեկավարած համայնքում:

-Իրոք որ, այս տարիների ընթացքում գյուղում դրական փոփոխություններն ակնհայտ են, և ես ուրախ եմ, որ իմ համագյուղացիները տեսնում ու գնահատում են այդ ամենը:Վստահ կարող եմ ասել, որ Արագածն այն քիչ գյուղերից է, որտեղ չկան հիմնախնդիրներ:Ոռոգման և խմելաջրի խնդիր չունենք, ճանապարհներն ասֆալտապատ են, ապահովված է գյուղի գիշերային լուսավորությունը: Այս տարի գծանշումներ ենք արել, որը կատարվել է մեր համայնքի բնակիչների շնորհիվ: Գյուղում երկրորդ ցայտաղբյուրը տեղադրեցինք, այս ամենը ինչն իրականացվել է թե՛ գյուղացինրի, թե՛ գյուղապետարանի աշխատակիցների միջոցով: Ներկայումս մանկապարտեզն է վերանորոգվում, 30 միլիոնին համարժեք դրամ է նախատեսած նախահաշվով: Մեր փոքրիկները կհաճախեն ավելի բարեկարգ ու գեղեցիկ կահավորված մանկապարտեզ: Մանկապարտեզի շենքի առաջին հարկը կծառայի որպես հանդիսությունների սրահ , որը կտրամադրվի միջոցառումների համար:

Գյուղի լուսավորությունը ամբողջությամբ՝ 100 տոկոսով ապահովված է , թեև աշխատանքներ են ձեռնարկվում մի փոքր քչացնել փողոցային լուսավորման ժամանակահատվածը, այսինքն եթե առաջ մինչեւ գիշերվա 2-ն էր միացված լինում, ապա արդեն 11-ից կանցնենք ավելի թույլ լուսավորության: