Մենք մեր թիմի՝ ՀՀԿ-ի կողքին ենք.Լեւոն Գրիգորյան

Սահմանադրական բարեփոխումների հանրաքվեի քարոզարշավի մեկնարկը տրված է, եւ այն կշարունակվի մինչեւ դեկտեմբերի 4-ը: Այնպես որ «այո»-ի ու «ոչ»- ի քարոզիչներն արդեն անցել են գործի: Մեկնարկային այս փուլում, պարզելու համար, թե ի՞նչ տրամադրություններ են տիրում մարզերում, կփորձենք իրավիճակը ներկայացնել համայնքի ղեկավարների, այս դեպքում պատասխանատուների ամփոփիչ խոսքով: Այս անգամ մեր զրուցակիցը Մերձավան համայնքի ղեկավար Լեւոն Գրիգորյանն է, ով ի սկզբանե պատասխանելով այն հարցին, թե ինչքանո՞վ են իր ղեկավարած համայնքի բնակիչները քաջատեղյակ առաջարկվող նոր սահմանադրական փաթեթից, եւ քանի տոկոս «Այո»- կարող է գրանցվել իրենց համայնքում, վերջինս նկատեց.

-Մերձավանը լինելով մայրաքաղաքին շատ մոտ համայնք, վստահաբար կարող եմ ասել, որ լավագույնս իրազեկված է ե՛ւ սահմանադրական բարեփոխումների դրույթներից, ե՛ւ ներքաղաքական անցուդարձից, ե՛ւ ընդհանրապես ցանկացած տիպի նորություններից:
Մենք էլ մեր հերթին մեր բնակչության, մեր ակտիվի, մեր համայնիք բնակիչների հետ հանդիպում ենք, իրազեկկում ենք, եւ տեղեկացնում, թե մայր օրենքում ի՞նչ փոփոխություններ են կատարվելու: Ընդհանուր առմամբ, պետք է ասեմ, որ մեր համայնքը միշտ էլ գործող իշխանությունների՝ մեր հարազատ կուսակցության՝ՀՀԿ-ի կողքին է եղել, եւ մենք էլ փորձել ենք պատվով կատարել մեր առջեւ դրված խնդիրները: Մենք միշտ էլ մեր նախագահի՝Սերժ Սարգսյանի կողքին ենք եղել, ինչպես նաեւ շատ լավ համագործակցել ենք մեր տարածքի բոլոր պատգամավորների ու մարզային իշխանությունների հետ: Մենք մի թիմ ենք, եւ մեր թիմում գործում են խաղի արդար կանոնենրը: Իսկ մեր համայնքում առավել եւս որեւէ լարվածություն, դիմադիր- ընդդիմադիր թեւերի բաժանում չկա:

-Պարոն Գրիգորյան, մի փոքր խոսենք նաեւ համայնքի մասին.1996թ-ից սկսած կարծեմ զբաղեցնում եք Մերձավան համայնքի համայնքապետի պաշտոնը, որո՞նք են եղել համայնքի հիմնախնդիրները և ի՞նչ լուծումներ են տրվել դրանց մինչ օրս:

-Մերձավանի կարևորագույն հիմնախնդիրներից են եղել ոռոգման և խմելու ջրերի, ճանապարհների, բուժական ամբուլատորիայի , համայնքի գյուղապետարանի, շենքերի վերանորգման հարցերը: Եւ այդ ամենը, ըստ ժամանակացույցի, քայլ առ քայլ լուծում են ստացել և շարունակում ենք փուլ առ փուլ լուծել այն խնդիրները,որոնք ամեն տարի այսպես ասած դառնում են օրակարգային: 2002 թ-ին Մերձավանն ունեցել է խարխլված պատերով, մաշված գույքով մանկապարտեզ: Այսօր ունենք լիարժեք, բոլոր նորմերին համապատասխան վերանորոգված մանկապարտեզ ` իր նորացված բակով, գույքով, փոխվել են խոհանոցային բոլոր իրերն ու պարագաները, կահ- կարասին, փոխվել են նաև պատուհանները: Սանիտարահիգիենիկ պայմանները գտնվում են բացարձակ գերազանց վիճակում: Երեխաներն այսօր սնունդը ստանում են ըստ սննդակարգի, սահմանված կարգով ` համապատասխան 1200-1400 կալորիականությամբ: Մանկապարտեզն ունի լոկալ ջեռուցում:
Ի, դեպ, նույն կարգավիճակում էր գտնվում նաև դպրոցը: 2012 թ-ից սկսած, սոցհիմնադրամի միջոցներով, մեր ՝ 20% մասնակցությամբ, հիմնովին վերանորոգվեց դպրոցի տանիքը, կարգավորվեց ջեռուցման համակարգը, վերանորոգվեցին դասասենյակները, սպորտդահլիճը, սանհանգույցները: Գյուղապետարանի բյուջեի միջոցներով շուրջ 50մլն դրամ է տրամադրվել լոկալ ջեռուցման, պատուհանների և մասնակի վերանորոգումների համար:
«Հազարամյակի մարտահրավեր» և «Ջրից դեպի Շուկա» ծրագրերով, ինչպես նաև գյուղապետարանի կողմից 15% համաֆինանսավորմամբ, վերանորոգվել է ոռոգման համակարգի 1.7կմ հատվածը: Խմելու ջրի խնդիրը ևս կարգավորվել է ` այժմ համայնքն ունի 24 ժամյա ջրամատակարարում: Պատահում է, որ լինում են 2-3 ժամյա դադարներ: Համայնքում վերակառուցվել է նաև ֆուտբոլի դաշտը, (ունենք հզոր եւ ուժեղ ֆուտբոլային թիմ, որը (մեր հպարտությունն է ) տեղադրվել են մանկական խաղեր, հուշարձանների պուրակում վերանորոգվել է Արցախյան պատերազմի զոհված ազատամարտիկների հուշահամալիրը: Տեղադրվել է Հիշատակի խաչքար, ՄԵԾ ԵՂԵՌՆԻ 100-ամյա և ՀՄՊ-ի հաղթանակի 70-ամյա տարելիցին նվիրված հուշարձաններ, իսկ դպրոցի բակում տեղադրվել է օծված խաչքար: Յուրաքանչյուր տարի կատարվում են փոսալցման աշխատանքներ: Հսկայական գումարներ են պետք ճանապարհների հիմնական կապիտալ վերանորոգման, ասֆալտապատման աշխատանքների համար: Համայնքում բացվել է հանդիսությունների սրահ: Համայնքի կենտրոնական տեղամասերում, փողոցներում առկա է գիշերային լուսավորություն, կանոնավոր կերպով կազմակերպվում են աղբահանման աշխատանքները:

-Իսկ համայնքում ինչպե՞ս եք լուծում զբաղվածության հարցը, ինչո՞վ է զբաղված բնակչությունը:

-Համայնքի բնակչությունն աշխատում է համայնքում գործող մակարոնի, կարի, քարի, փայտի վերամշակման, ոգելիգ խմիչքների և գործող այլ մի շարք արտադրամասերում:

-Պարոն Գրիգորյան,առաջիկայում ի՞նչ ծրագրեր ու անելիքներ ունեք ` կապված համայնքի բարելավվման ու զարգացման հետ:

-Յուրաքանչյուր մշակված ծրագիր ուղղված է զարգացնելու համայնքի տնտեսությունը,մշակույթի,սպորտի ոլորտները:
Համայնքում գործում է մշակույթի տուն,պարի,երգի խմբակներ: Ֆուտբոլի հավաքականը գտնվում է առաջատար դիրքերում, գրանցում հաջողություններ, Բ խմբից անցնելով առաջատար Ա խմբի:

Վաղարշապատի տարածաշրջանում գտնվող Մերձավանը առանձնահատուկ գյուղ է, որը եղել է ուսումնագիտական կենտրոն: Այն հիմնվել է 1947 թ. որպես Խաղողագործության և գինեգործության ինտիտուտի փորձառական բազային կից ավան: Այդպես էլ կոչվել է `Խաղողագործության և գինեգործության Ակադեմիա: Մերձավան է վերանվանվել 1965 թ-ին: Որպես ինստիտուտների բազա,երբեք չի ունեցել գյուղ խորհուրդ.ամեն առավոտ այստեղ մայրաքաղաքից աշխատելու են եկել մոտ 500 գիտաշխատողներ փորձարարական գիտականաշխատանքներ  կատարելու համար:
Ի դեպ, Մերձավան համայքնի ղեկավար Լևոն Գրիգորյանն էլ բանից պարվեց, որ բազմաթիվ պարգևների է արժանացել, այդ թվում նաև` ՀՀ նախագահի կողմից <<Անանիա Շիրակացի>> մեդալի, որը շատ թանկ է իր համար: Այդ պարգևները միայն իրենը չի համարում, այլև բոլոր նրանցը, ովքեր թև ու թիկունք են եղել, օգնել իրեն համայնքի առջև ծառացած խնդիրները լուծելիս: