Մենք ունենք հայրենասեր ղեկավար՝ի դեմս Նիկոլ Փաշինյանի

«Հեղափոխությունից հետո Ազգային ժողովիր արտահերթ ընտրությունները ուղղակի անհրաժեշտություն էր: Այդ   իսկ պատճառով առաջին հերթին նախ ողջունում եմ Նիկոլ Փաշինյանին՝ արտահերթ ընտրություններ կազմակերպելու համար:  Հենց ի սկզբանե էլ՝ կարող եմ ասել, որ իմ ձայնը տալու եմ ժողովրդի ընտրյալ Նիկոլ Փաշինյանին»,- Fnews.am-ի հետ զրույցում նման տեսակետ հայտնեց «Ֆիդայիներ» ՀԿ նախագահ, ազատամարտիկ, «Տավուշի Արծիվ» Սեյրան Չիլինգարյանը:

Վերջինս, իր խոսքում նաեւ նշեց.

-Ինձ համար շատ դաժան էր, որ հանրությանը բաժանեցին սեւ-սպիտակի. դա ինձ համար շատ անսպասելի էր նաեւ: Վերջին հաշվով.այլ քաղաքական ուժեր եւս պետք է լինեն: Այսօր, նույն մեր իշխանությանն էլ, ուղղակի օդ ու ջրի նման պետք են ուժեր, ովքեր կկարողանան կանխարգել ցանկացած սխալ մոտեցում: Այո, ինքս էլ համամիտ եմ, որ ՀՀԿ-ն ժողովրդի վստահությունը վայելող ուժ չէ, ինչը հանրությունը ապացուցեց ամիսներ առաջ, բայց այնուհանդերձ՝ գտնում եմ, որ ՀՀԿ-ն պետք է իր հինգ տոկոսը վերցնի ու գնա նստի ԱԺ-ում: Որ իրենք իրենց քանդածը լավ իմանալով ՝ որպես ըննդիմադիր ուժ,  օգնեն այդ բացերը արագ լցնելու:

Ինչ վերաբերում է երկշաբաթյա նախըտրական քարոզին, մեր զրուցակիցը այսպես գնահատեց նախընտրական մարաթոնը.

-Իհարկե ժամանակի սղության պատճառով, քաղաքական ուժերը չհասցրեցին սեւեռվել կոնկրետ ծրագրերի վրա, բայց այնուամենայնիվ համարում եմ, որ այն կայացել է: Ճիշտ է նկատվեցին որոշակի ագրեսիվ դրսեւորումներ, բայց դա եւս բնական է քարոզարշավի համար. Ի վերջո մրցակացությունն իրենից ենթադրում է նախըտրական պայքար:
Օգտվելով առիթից, սակայն, ես ցանկանում եմ բարձրաձայնել, որ բոլոր կուսակցություններից էլ շատ խիստ վրդովված են բոլոր ազատամարտիկները: Այս երկու շաբաթների ընթացքում,  քաղաքական ուժերը  չանդրադարձան ազատամարտիկների խնդիրներին, եւ այդ խնդիրների լուծման ծրագրերին: Շատ վիրավորված ենք բոլորս, շատ…

-Պարոն Չիլինգարյան, օգտվելով առիթից կցանակայինք լսել նաեւ Ձեր տեսակետը վերջին շրջանում ամենաշատը քննարկվող հարցերից մեկի՝ Արցախի խնդրի վերաբերյալ:

-Փորձեմ կարճ պատասխանել. Արցախի հարցը վաղուց լուծված է ժողովրդի կողմից: Հող տալու-չտալու մասին խոսակցությունները ընդամենը խոսակցություններ են, սաղ էլ լավ գիտեն, որ մենք հող տվող չենք, մենք մեր հողը՝ատամներով  պահող ենք, եւ վերջ: Ո՞վ ռիսկ կանի. արյունով գծված սահմանները փոխել որեւէ բանի հետ: Նիկոլ Փաշինյանն էլ անձամբ իր կարծիքը բազմիցս հայտնել է Արցախի խնդրի վերաբերյալ. այնպես որ մտահոգվելու խնդիր չկա, մենք ունենք հայրենասեր ղեկավար՝ հանձինս Նիկոլ Փաշինյանի: