Մեր ընկերները միշտ էլ մեր կողքին են եղել

Մեզ հասած տեղեկությունների համաձայն, օրերս Արցախին, հատկապես Ջաբրաիլում գտնվող Աժ պատգամավոր Առաքել Մովսիսյանի՝Շամյսի ջոկատին,  հավուր պատշաճի աջակցություն են ցուցաբերել ԱԺ պատգամավորներ ու գործարար հատվածի ներկայացուցիչներ: Տեղեկացանք, որ այդ գործում հատկապես իրենց մեծագույն լուման են ունցել Աժ պատգամավոր Արայիկ Գրիգորյանը,( ով ապրիլյան առաջին իսկ թեժ օրերից մեր զինվորների ու Արցախի ժողովրդի կողքին է եղել, եւ ում ի դեպ արցախցիներից շատերը համարում են հայրենասեր մարդու լավագույն տեսակներից), պատգամավոր Սամվել Ալեքսանյանը, գործարար Արսեն Գրիգորյանը եւ այլք: Ի դեպ, այս տեղեկատվությունը մեզ հետ զրույցում հաստատեց նաեւ պատգամավոր Մովսիսյանը՝Շմայսը, ով պատասխանելով այն հարցին, թե ինչ վիճակ է հիմա սահմանին, ու հատկապես Ջաբրաիլում, որտեղ գտնվում է Մովսիսյանն ու իր ջոկատը, պատգամավորը պատասխանեց. «Մենք միշտ ենք մարտական տրամադրված, ու ցանկացած պահի պատրաստ ենք թշնամուն արժանի հակահարված տալու:

Իսկ մեր զինվորների դուխը, արիությունն ու քաջությունը ոչ մեկ չունի: Մենք մեր զինվորների, մեր անպարտ տղաների կողքին ենք ու ամեն ինչ անում ենք, որ նրանց հպարտությունն ու քաջությունը կրկնապատկվի ու քառապատկվի: Ամեն մեկս փորձում ենք մեր փորձով ու պատրաստակամությամբ մեր զինվորի կողքին լինել: Հավատացեք, հիմա մեր զինվորներն ուրիշ են. ուրիշ է նրանց հեգաբանությունն ու դաստիարակությունը: Մեր տղաները, մեր զինվորները դուխով ու հպարտ կանգնած են հայրենի սահմանին:

Ճշտող հարցին, թե ճի՞շտ է, որ պատգամավորներից ու գործարարներից շատերը այս ժամանակահատվածում մշտապես սատարել ու աջակցել են Առաքել Մովսիսյանի ջոկատին ու սահմանը պահող տղաներին, ապա պատասխանը միանշանակ էր.«Էն էլ ոնց: Իրականում իմ լավ ու հարազատ ընկերները՝ ԱԺ պատգամավորներ Արայիկ Գրիգորյանը, Սամվել Ալեքսանյանն ու գործարար Արսեն Գրիգորյանը միշտ եղել են մեր ջոկատի տղաների կողքին: Նրանք անդավաճան ընկերներ են. ամեն օր, ամեն ժամ իմ լավ ընկերները սատար են կանգնել մեր ջոկատին ու մեր տղաներին: Նրանք էլ իրենց քայլերով ու ցուցաբերած աջակցությամբ էլ ավելի են բարձրացրել մեր տղաների մարտական ոգին: Ես էլ եմ հպարտ, որ տենց լավ ընկերներ ունեմ, ում համար հայրենիքը, պետությունը, ընկերները ու էլի շատ արժեքներ անդավաճան են: Մենք այս սենց միախմբված ու համերաշխ ձեւով էլ մեր պայքարը մինչեւ վերջ շարունակելու ենք»: