Մեղավորները ջրի երես դուրս կգա՞ն

Կոտայքի մարզի Եղվարդ քաղաքի մանկապարտեզի վաթսունից ավել երեխանների թունավորման բուն պատճառը դեռեւս հայտնի է չէ: Այս մասին Fnews.am-ի  հետ զրույցում հայտնեցին ՍԱՊԾ-ն լրատվական ծառայությունից.
- Հայտնի է միայն, որ թունավորման նախորդ օրը երեխանները "Մուշի" նրբերշիկ են կերել, բայց մանկապարտեզում տվյալ արտադրության նրբերշիկ մեր կողմից այդպես էլ չի հայտնաբերվել, բայց ամեն դեպքում "Մուշ"-ում այս պահին ստուգումներ են ընթանում:
- Արդեն բավական ժամանակ է անցել, հայտնի չէ՞ թունավորման բուն պատճառը:
-Խնդիրը նրանում է, որ մենք չենք կարող այդ թեմայով հայտարարությամբ հանդես գալ, որովհետեւ դրա առթիվ քրեական գործ է հարուցվել: Իսկ մենք քրեական գործի շրջանակներից դուրս ոչինչ չենք կարող հայտարարել: Անկախ նրանից, մենք ինչ-որ բան ունենք բացահայտած, թե ոչ միեւնույն այդ տեղեկատվությունը այս պահին չենք կարող հրապարակել, նորից եմ կրկնում` անկախ նրանից ունենք, թե չէ: Քրեական գործը կփակվի համապատասխան մարմինները, ինչպես նաեւ մենք հայտարարությամբ հանդես կգանք:
Մենք փորձեցինք թունավորման պատճառների մասին որեւէ տեղեկություն ստանալ Քննչական կոմիտեից, որտեղից էլ Քննչական Կոմիտեի  մամուլի խոսնակ Սոնա Տռուզյանը վերոնշյալի կապակցությամբ ասաց միայն հետեւյալը."Քննությանն են առնվում հնարավոր բոլոր ուղղությունները, փորձանմուշներ են վերցվել ջրից, օգտագործվող, ինչպես նաեւ պահեստային սննդից, փորձաքննությունների եզրակացությունները դեռեւս պատրաստ չեն":

Հուսով ենք, որ քրեական գործը շուտ կավարտվի եւ հանրությանը հայտնի կդառնա 3-6 տարեկան երեխանների թունավորման իրական պատճառները: Բայց, այստեղ կա եւս մի շատ կարեւոր հանգամանք, ինչպե՞ս է օրենքով արգելված մսամթերքը հայտնվել մանկապարտեզում, անկախ նրանից դա է հանդիսացել թունավորման պատճառ, թե՞ ոչ: Վերոնշյալի հետ կապված Fnews.am-ը կրկին անգամ փորձեցինք կապվել Եղվարդի մանկապարտեզի տնօրեն Մարիետա Մանուկյանի հետ, ով սակայն, կտրականապես հրաժարվեց պատասխանել մեր այն հարցին, թե ինչպես է նրբերշիկ հայտնվել երեխանների սննդամթերքում եւ կա՞ արդյոք համապատասխան պայմանագիր այդ ընկերության հետ."Ես այդ հարցին ոչ կարող եմ պատասխանել, ոչ էլ ուզում եմ, խնդրում եմ ինձ մի անհանգստացրեք նման հարցերով",-ասաց տնօրենը:
Քանի որ մանկապարտեզը գտնվում է Եղվարդի քաղաքապետարանի ենթակայության տակ, մենք փորձեցինք տիկին Մանուկյանի կողմից այդպես էլ անպատասխան մնացած հարցերի պատասխանները ստանալ Եղվարդի քաղաքապետի տեղակալ Կարեն Հարությունյանից, ով անդրադառնալով պայմանագիր կա տվյալ ընկերության հետ, թե ոչ հարցին մասնավորապես նշեց.
- Մանկապարտեզի գնումների բաժինը մրցույթ է հայտարերել, շահող կազմակերպությունն էլ մատակարարել է: Իհարկեպայմանագիր կա մատակարարող ընկերության հետ:
- Շահող կազմակերպությունը "Մուշն" է՞:
- Ոչ, "Մուշը" արտադրող ընկերությունն է, մատակարող ընկերությունն է այն շահել:
- Ինչպե՞ս է օրենքով արգելված մսամթերքի համար մրցույթ հայտարարվել:
- Իրենք ուշադրություն չեն դարձրել այդ հանգամանքի վրա:
- Իրենք, ովքեր, կոնկրետ մանկապարտե՞զը:
- Այո, մանկապարտեզի գնումներ կատարողը:
-Եթե Ձեր ենթակայության տակ է մանկապարտեզը, ասենք իրենք ուշադրություն չեն դարձրել, Դուք է՞լ չեք ուշադրություն դարձրել, չէ որ խոսքը երեխաններին է վերաբերում:
- Ենթակայության տակ ասվածը մի քիչ հարաբերական է, ինքը առանձին մանկապարտեզ է, գործում է իր կանոնադրության հիման վրա: Այսինքն մենք չենք վերահսկում իրենք ինչ են գնում, ինչ են անում, անհրաժշտության դեպքում է լինում նման բաներ:
- Փաստորեն միայն մանկապարտեզի տնօրինությունն է այդ ամենը կազմակերպում:
- Այո, մանկապարտեզն է հայտարարում մրցույթը, մանկապարտեզն էլ ճանաչում է հաղթողին` մրցույթի միջոցով:
-Իսկ քաղաքապետարանը եր՞բ է միջամտում մանկապարտեզի գործունեությանը:
-Մենք ունենք պարտականություններ` մենք կահավորում ենք, վերահսկում ենք նորմալ դասընթացներ անցկացնելը, ջեռուցում ենք, անհրաժեշտ պայմաններն ապահովում ենք իրենց աշխատանքի համար:
- Իսկ այս դեպքում Դուք մանկապարտեզի տնօրինության մեղավորությունը տեսնո՞ւմ եք:
-Կլինի եզրակացությունների պատասխանները, այդ ժամանակ էլ պարզ կլինի, թե ով է մեղավոր:

Նոնա  Ադամյան