Միանգամից երկու նոր դիվերսիա ԼՂ-ում

Ինչպես հայտնում են ԼՂՀ ՊՆ մամուլի ծառայությունից, երեկ երեկոյան՝ ժամը 23:00-ի սահմաններում, ադրբեջանական զինուժը ևս երկու նոր դիվերսիոն ներթափանցման փորձ է ձեռնարկել:

Բարեբախտաբար հայկական կողմից կորուստներ չեն գրանցվել:

Հունվարի 11-ին, ղարաբաղա-ադրբեջանական հակամարտության շփման գծի հյուսիսարևելյան (Ջրաբերդ) և արևելյան (Ակնա) ուղղություններով, արձանագրվել են հակառակորդի դիվերսիոն հետախուզական խմբերի ներթափանցման փորձեր:

«Երկու ուղղությամբ էլ ՊԲ առաջապահ ստորաբաժանումները, ժամանակին հավաստանշելով ադրբեջանական հատուկ ջոկատայինների առաջխաղացումը, դիմել են կանխարգելիչ գործողությունների և նրանց հետ շպրտել ելման դիրքեր:

Հակառակորդի կրած կորուստները ճշտվում են:

ՊԲ առաջապահ ստորաբաժանումները ձեռնարկված կանխարգելիչ գործողությունների ժամանակ կորուստներ չեն ունեցել»,-ասված է հաղորդագրության մեջ: