«Մինչև վերջ գնալու եմ, հասնելու եմ նրան, որ երկուսին էլ մաքսիմումով նստեցնեն». Մահացած երեխայի հայր

Փաստինֆոն գրում է. 2,5 տարեկան Լիա Միսակյանի՝ «Արաբկիր» բժշկական համալիրում մահվան գործով այսօր հարցաքննվեց գործով երկրորդ ամբաստանյալ բժիշկ Զարինե Այվազյանը, ում գնահատմամբ՝ իր հերթապահության օրը երեխայի վիճակը բավարար է եղել, և իր հերթապահության օրը երեխայի մոտ թոքաբորբի որևէ նշան չի եղել։ Ամբաստանվող բժշի պնդմամբ՝ կլինիկական ախտանիշներով՝ երեխայի մետ եղել է սուր շնչառական հիվանդություն:

Նա հայտարարեց, որ իր հերթապահության օրը երկու անգամ այցելել է Լիա Միսակյանին, զննել նրան, գնահատել է երեխայի վիճակը, ցուցումներ տվել:

Ինչ վերաբերում է արյան անալիզներին, ապա ամբաստանյալը նշեց, որ իմացել է դրանց բացակայության մասին եւ մայրապետին ասել է, որ գնա բերի։ Ինչ վերաբերում է անալիզների շեղումներին, ապա հայտարարեց, թե իրեն ոչ ոք ոչինչ չի ասել:

Իսկ թե ինչու՞չի զանգահարել՝ պարզու համար արյան անալզների պատասխանները հարցին՝ ամբաստանյալը նշեց, որ անգամ անալիզների պատասխաններով թոքաբորբ չի ախտորոշվում:

Ավելին, ըստ ամբաստանյալի՝ այդ պատասխաններն ստանալու հրատապություն չի էլ եղել:

Զ.Այվազյանը նշեց նաև, որ իր հերթապահության օրը երեխան բարձր ջերմություն չի ունեցել, իսկ հերթապահությունը հանձելու օրը չի տեսել երեխային։

Ամբաստանյալի ցուցմունքների ավարտին տուժողի իրավահաջորդ Գերոգի Միսակյանը ծափահարեց «էդքան սուտ որտեղից, էդքան չաչարվել գրել եք, հիացմունքս եմ արտահայտում»:

«Մինչև վերջ գնալու եմ, հասնելու եմ նրան, որ երկուսին էլ մաքսիմումով նստեցնեն»,- հայտարարեց տուժողի իրավահաջորդը:

Ամբաստանյալի հարցաքննության ավարտից հետո կողմերը հանդես եկան դատաքննությունը լրացնելու միջնորդությամբ։

Հաջորդ նիստին կհարցաքննվեն դիակի դատաբժշկական փորձաքննությունը կատարած փորձագետ Սանասար Սևոյանը, 2012թ. դեկտեմբերի 31-ի և 2013թ. հունվարի 1-ի մայրապետերը ու դեկտեմբերի 31-ի լաբորատորիայի հերթապահը:

Պաշտպանական կողմը դատաքննությունը լրացնելու միջնորդություններ կանի՝ նրանց հարցաքննքությունն ավարտելուց հետո: