«Մոսկովսկիյ կոմսոմոլեց»-ի անդրադարձը հայկական ուղղաթիռի կործանմանը

Ռուսական «Մոսկովսկիյ կոմսոմոլեց» պարբերականը անդրադարձել է ղարաբաղա-ադրբեջանական սահմանին նոյեմբերի 12-ին հայկական ուղղաթիռի կործանման միջադեպին: Իր տեսակետը հարցազրույցում հայտնել է Մոսկվայի Միջազգային հարաբերությունների պետական համալսարանի առաջատար փորձագետ Միխայիլ Ալեքսանդրովը:
- Որոշ փորձագետներ այս սադրանքը գնահատել են որպես Ռուսաստանի դեմ «երկրորդ ճակատ» բացելու փորձ: Դուք համաձա՞յն եք այս գաղափարի հետ:
- Ես համաձայն չեմ այն մտքի հետ, որ ուղղաթիռի հետ կապված միջադեպը ծրագրավորված սադրանք է, որը պատվիրված է Արևմուտքի կողմից: Իմ կարծիքով սա սահամնին ստեղծված լարվածության հետևանք է, ադրբեջանական կողմից այդ լարվածության պարպման արդյունք:
- Ինչո՞վ է պայամանավորված այդ պարպումը:
- Երկար տարիներ շարունակ Ադրբեջանի բնակչության մեջ ատելություն է սերմանվում հայերի նկատմամբ, համոզմունքով, որ նրանք թշնամիներ են, որ նրանց հետ մինչև վերջ պետք է կռվել: Սա հասկանալի դիրքորոշում է: Նման դիրքորոշում իր ժամանակին կիրառում էր Սահակաշվիլին Աբխազիայի և Հարավային Օսեթիայի նկատմամբ:
- Զինծառայողը, ով կործանել է հայկական ուղղաթիռը պարգևատրվել է մեդալով…
- Զինծառայողները, ովքեր կանգնած են սահամնին, հինալի հիշում են՝ ինչպես Ադրբեջանը Հունգարիայից բերեց իր սպային, ով կացինով սպանել էր հայ գործընկերոջը: Եվ նրան ոչ միայն չպատժեցին, այլև պարգևատրեցին, բնակարան նվիրեցին և ազգային հերոսի կոչում շնորհեցին: Զինվորականների մոտ տպավորություն է ստեղծվել, որ հայ սպանելը ուղղակի ճանապարհ է դեպի փառք և պարգևներ:
- Ո՞ւմ շահերից է բխում նոր հակամարտությունը Ղարաբաղում:
- Չեմ կարծում, որ հիմա որևէ մեկը հետաքրքրված է լուրջ հակամարտությամբ: Միգուցե Ալիևը հետաքրքրված է նրանում, որպեսզի ցուցադրի իր հաստատակամությունը, ներքին քաղաքական խնդիրներ լուծելու համար՝ հաշվի առնելով այն, որ նա այժմ զգում է իր անզորությունը գունավոր հեղափոխության դեմ: Իսկ Արևմուտքը վաղուց է նրա դիմաց գունավոր հեղափոխություն ծրագրում: