Մյունխենում կարգավորել են Սիրիայում հրադադարի հարցը

Սիրիայում հրադադարը պետք է սկսի մեկ շաբաթից, իսկ միջսիրիական բանակցությունները քաղաքակական կարգավորման հարցով պետք է վերսկսեն մինչև այս ամսվա վերջ՝ այսպիսինն են Սիրիայի աջակցման Միջազգային խմբի մյունխենյան հանդիպման արդյունքները,փոխանցում է ՏԱՍՍ գործակլությունը::

Երկու տասնյակ երկրների և միջազգային կազմակերպությունների ներկայացուցիչները սեղանի շուրջ են անցկացրել բանակցություններ, որոնք տևել են մոտ հինգ ժամ: Հաջողվել է լուծել հիմնական խնդիրները, բացառությամբ մեկ կարևոր խնդրի՝ չի հստակեցվել ահաբեկչական խմբավորումների ցուցակը:

Հանդիպմանը մասնակցում էին Ռուսաստանի, ԱՄՆ-ի, Չինաստանի, Գերմանիայի, Ֆրանսիայի, Մեծ Բրիտանիայի, Իրաքի, Իրանի, Իտալիայի, Հորդանանի, Քաթարի, Լիբանանի,Օմանի, Սաուդյան Արաբիայի, Թուրքիայի, ԱՄԷ-ի, ինչպես նաև ԵՄ-ի, ՄԱԿ-ի և արաբական պետությունների Լիգայի ներկայացուցիչները: