ՆԵՆՍԻ ՓԵԼՈՍԻՆ ՔԱՀԱՆԱ Է ՀՐԱՎԻՐԵԼ ԻՐ ՏՈՒՆ

Նենսի Փելոսին իր տուն է հրավիրել կաթոլիկ քահանայի՝ էկզորցիզմի արարողություն կատարելու համար։ Սենատորը այդ քայլին գնացել է իր իսկ դստեր առաջարկությամբ: Այս մասին գրում է KK.ru-ն

Հիշեցնենք, որ մի քանի ամիս առաջ հանցագործը ներխուխել էր Փելոսիի՝ Կալիֆորնիայում գտնվող տուն: Մուրճով զինված տղամարդը հարձակվել էր ԱՄՆ Կոնգրեսի Ներկայացուցիչների պալատի նախկին խոսնակի ամուսնու՝ Փոլի վրա։ Արդյունքում վերջինս մի քանի ուժեղ հարված էր ստացել գլխին։ Տուժածը տեղափոխվել էր հիվանդանոց։ Բժիշկները ստիպված էին եղել պայքարել նրա կյանքի համար և մի քանի լուրջ վիրահատություններ կատարել։ Այդ ժամանակվանից ի վեր նա հանրությանը ներկայանում է գլխարկով։

Նշվում է, որ դա օգնում է թաքցնել վնասվածքների հետքերը։ Փելոսիի ընտանիքը միշտ վախեցել է նման միջադեպերից։ Արդյունքում նրանց ամենավատ վախերն իրականացան։ Կասկածյալը ձերբակալվել է և տվել խոստովանական բացատրություն։

Սենատորը հույս ունի, որ քահանայի կողմից իրականացվող տան մաքրումը կօգնի ազատվել նեգատիվից։ Փելոսին իրեն հավատացյալ է համարում։ Սակայն հայրենի Սան Ֆրանցիսկոյում տեղի քահանան նրան վտարել էր Սուրբ Հաղորդությունից: Նրանց միջեւ անհամաձայնության պատճառ էր դարձել սենատորի դիրքորոշումը կանանց աբորտ անելու իրավունքի վերաբերյալ։ Եկեղեցու սպասավորը չէր ընդունել դա, քանի որ, իր խոսքով, չէր կարող աջակցել սպանությանը։