Նոր տարին կանցկացնեն Կառավարության շենքի մոտ

«Հերթական Նոր Տարին դիմավորում ենք դրսում,այս տարի վերջնական որոշել ենք, Նոր տարվա գիշերը գալու ենք Կառավարության շենքի մոտ և այստեղ ենք սեղան գցելու ու Նոր տարի անելու,գուցե այդպես իրենք իրենց վատ զգան և մեր խնդիրը լուծեն», այս տարի վերջին անգամ կառավարության շենքի մոտ հավաքվել էին Հյուսիսային պողոտայի նախկին11 բնակիչները: Ովքեր առ այսօր չեն համակերպվում իրենց  բնակարանների դիմաց հատկացված փոխհատուցված գումարի չափի հետ։

«Չկարողացանք բնակարան առնել, քանի որ մեր փոխհատուցմները կիսա-պռատ տվեցին, փողի մի մասն էլ կերան։ Հեռուստացույցով բազմիցս հայտարարում են, որ քառակուսի մետրին 1000 դոլար են տվել, սակայն նման բան չի եղել: Մենք էլ դրանից հետո պայքարի մեջ մտանք՝ դե որ 1000 է, տուր մեր 1000-ը, ինչի՞ ես մեզ 200 տվել»,-Fnews.am-ի հետ զրույցում ասաց անօրինական ձևով բնակարանը կորցրած բնակիչներից Գոհար Ասատրյանը: Այս տարվա վերջին բողոքի ակցիան էր կառվարության շենքի մոտ, նրանք ասում են, որ մյուս տարի ավելի վճռական և միասնական են լինելու: Բնակիչները բողոքելու են այնքան ժամանակ,  մինչեւ հասնեն իրենց նպատակին: Նրանք դիմել են Հայաստանում գործող բոլոր դեսպանատներին, եւ եթե հարցին դրական լուծում չտրվի, նրանք քաղաքական ապաստան են պահանջելու որեւէ երկրում: