Նրանց անունները պետք է ոսկե տառերով գրվեն փառքով նահատակված մեր հերոսների հուշամատյանում

Այս պահին տեղի է ունենում լռության երթ, որն ուղեկցվում է մոմավառությամբ և ավարտվելու է Եռաբլուրում, որտեղ մեր հոգևորականները երթի մասնակիցների հետ միասին կոգեկոչեն մեր հերոսների անմար հիշատակը, դաժան զուգադիպությամբ, բայց նաև Բարձրյալի կամոք, երևի պետք էր, որ հենց այսօր տեղի ունենար մեր հերոսներին հարգանքի տուրքի մատուցումը, որովհետև մեծ, շատ մեծ սրտի ցավով տեղեկացանք, որ այսօր՝ ապրիլի 10-ին, Արցախի շփման գծի Բաշ Քարվենդ բնակավայրի մոտ զոհվածների մարմինների փոխանակման ժամանակ հայկական կողմին է հանձնվել զոհվածների 18 մարմին, իսկ ապրիլի 8-ին ևս երկու մարմին: Սա իրոք մեծ ողբերգություն է և մենք մեր զորակցությունն ենք հայտնում մեր բոլոր հերոսների ծնողներին, հարազատներին և մինչև գետին խոնարհվում նրանց առջև, նրանց որդիների սխրանքն անմահ է, իսկ նրանց անունները պետք է ոսկե տառերով գրվեն մեր նորանկախ պետության ստեղծման և կայացման գործում իրենց անուրանալի ավանդն ներդրած և փառքով նահատակված մեր հերոսների հուշամատյանում:

Այսօր մենք մեր աղոթքն ենք հղում առ Աստված, և մեր կոչը մեր պետական այրերին, որ հնարավորինս շուտ կնքվի կայուն հրադադար, որպեսզի կարողանանք զերծ մնանք հետագա անդառնալի կորուստներից և թեկուզև ինչ որ չափով մեզ համար սփոփանք է, որ մեր մեկ հերոսի փոխարեն նրանցից 10-ն է զոհվել, ամեն դեպքում դա ևս քիչ է, մեզ համար մեր ամեն մի զինվորի կյանքը նրանց ամբողջ բանակից թանկ է: Եվ վերջում մի դիտարկում, բաքվում արդեն մարտերի երկրորդ թե երորրդ օրը եռօրյա սուգ հայտարարեցին, ես կարծում եմ, մեր հեոսները հազարապատիկ անգամ ավելի արժանի են, որ բացի մեր գլուխները խոնարհելուց, նրանց համար խոնարհվեն նաև մեր պետական դրոշները, Փառք մեր հերոսներին և Աստված պահապան սահմանին կանգնած մեր զինվորներին և սպաներին:

Էդիկ Մնոյան