Օլանդը հանդիպումից հետո իր «թանկագին Վլադիմիրի» հետ գնացել է նույն մեքենայով

Այսօր՝ նոյեմբերի 15-ին, Ավստրալիայի Բրիսբեն քաղաքում՝ G20 գագաթաժողովի շրջանակներում, կայացել է Ռուսաստանի և Ֆրանսիայի նախագահներ Վլադիմիր Պուտինի և Ֆրանսուա Օլանդի երկկողմ հանդիպումը: Այս մասին հայտնում է Ռուսաստանի նախագահի պաշտոնական կայքէջը:
Պուտինը կարծիք է հայտնել, որ ներկա իրադրությունում Ռուսաստանի և Ֆրանսիայի տեսակետները հաճախ են համընկնում, իսկ Օլանդն իր հերթին պատրաստակամություն է հայտնել օժանդակել ուկրաինական ճգնաժամի քաղաքական ճանապարհով լուծմանը:
«Մենք կշարունակենք այն ինչ անում էինք Անգելա Մերկելի և Ուկրաինայի նախագահի հետ: Ֆրանսիան պատրաստ է ակտիվորեն մասնակցություն ունենալ, սակայն մեկ պայմանով, որպեսզի մենք հստակ արդյունքի հասնենք»,-ասել է Օլանդը:
Ինչպես հայտնում է «ՌԻԱ Նովոստի» գործակալությունը՝ երկկողմ հանդիպումից հետո Օլանդը և Պուտինը նույն մեքենայով ուղևորվել են Ավստրալիայի վարչապետի անունից G20-ի ղեկավարների պատվին կազմակերպված ընդունելությանը:
Հանդիպման ընթացքում Օլանդը Պուտինի դիմել է «դու»-ով և անվանել նրան «թանկագին Վլադիմիր»:
Հիշեցնենք, որ մինչ այս Բրիսբենում կայացել է նաև Պուտինի դռնփակ հանդիպումը Մեծ Բրիտանիայի վարչապետ Դեյվիդ Քեմերոնի հետ: