Ո՞ր համարի կոշիկ է հագնում Լևոն Զուրաբյանը, և ժողովուրդը քանի՞ տառով է բնութագրում Ֆարմանյանին

1in.am-ը գրում է.Մյուս հանրահավաքը պետք է լինի վճռական գործողությունների հանրահավաք։ Այսօր Ազգային ժողովում ճեպազրույցների ժամանակ հայտարարեց ՀԱԿ խմբակցության ղեկավար Լևոն Զուրաբյանը, բայց չմանրամասնեց, թե երբ է լինելու այդ հանրահավաքը։ Նա նաև հավելեց, որ հաջորդ հանրահավաքին կհետևեն շուրջօրյա հանրահավաքներն ու այլ միջոցառումներ։

Լ.Զուրաբյանն ասաց նաև, որ այդ միջոցառումներն այնքան կտևեն մինչև իշխանությունները գիտակցեն, որ այսպես հնարավոր չէ շարունակել, և պետք է լուրջ քայլեր անել։

Լ. Զուրաբյանն անդրադարձավ նաև 12 կետերին ու Սերժ Սարգսյանի հարցազրույցին և հարցին, թե եռյակը ե՞րբ կգնա բանակցությունների իշխանությունների հետ, պատասխանեց, որ եթե անգամ իշխանությունները կատարեն իրենց նախապայմանը և ընտրական օրենսգրքում փոփոխություններ արվեն, միևնույն է, իրենք բանակցությունների չեն գնա։ Բայց եթե իշխանությունները ցանկանում են, թող կատարեն այդ բոլոր 12 պահանջները։

Լ.Զուրաբյանն անդրադարձավ նաև երեկ իր և պատգամավոր Սամվել Ֆարմանյանի միջև տեղի ունեցած միջադեպին, որի ժամանակ, մամուլի հրապարակումների համաձայն, հհկական պատգամավորը հարվածել է ՀԱԿ խմբակցության ղեկավարին։ Ըստ Լ.Զուրաբյանի՝ եթե Ս.Ֆարմանյանն այդ միջադեպից հետո վազել ու լրատվամիջոցներին պատմել է այդ միջադեպի մասին, մեր ժողովուրդը նման մարդկանց մասին հատուկ բնորոշում ունի, սակայն նա չմանրամասնեց, թե ինչ նկատի ուներ։ Լ.Զուրաբյանը նաև հավելեց, որ այդ միջադեպի ժամանակ Ֆարմանյանը նեղված է եղել և ուներ դրա իրավունքը, քանի որ իր ոտքը շատ մոտիկից հանդիպել է հհկական պատգամավորին։

Լ.Զուրաբյանն ընդունեց, որ իր ոտքը ոտնձգություն է կատարել Ս.Ֆարմանյանի նկատմամբ, և ինքը դատապարտում է իր ոտքի նման վարքագիծը։ «Առաջին լրատվական»-ի հարցին, թե, այնուամենայնիվ, ժողովրդի կողմից նման մարդկանց բնութագրող բառը քանի՞ տառ ունի, որ հնարավոր լինի այն գսւշակել, և Լ.Զուրաբյանի կոշիկը ո՞ր համարի է, որ հնարավոր լինի հասկանալ Ս.Ֆարմանյանի նեղվածության չափը, ՀԱԿ խմբակցության ղեկավարը չցանկացսվ պատասխանել՝ ասելով, թե այդպիս