Որտեղ են թաքնված կոռուպցիայի ականջները...

Սոցիոլոգ Ահարոն Ադիբեկյանը Fnews.am-ի հետ զրույցում կարծիք հայտնեց, որ Հայաստանում կոռուպցիոն ռիսկերը կնվազեն միայն կառավարման համակարգի փոփոխության դեպքում: Սոցիոլոգի դիտարկմամբ` իշխանության պետք է հրավիրել այն մարդկանց, որոնք սոցիալապես ապահով են և չեն օգտագործի իրենց պաշտոնական դիրքը, կողմնակի շահույթներ ձեռք բերելու համար:

Ահարոն Ադիբեկյանը նկատում է, որ այն երկները, որոնք պաշտպանել և աջակցել են կառավարման համակարգի գործունեությանը, դարձել են ավելի առաջատար:

«Այլ երկրներում կառավարման համակարգում աշխատելը և' պատվաբեր է, և' ընտանիքդ կարող ես ապահովել: Մեզ մոտ տենց բա չկա: Եթե նախարարը ստանում է 200-300 ԱՄՆ դոլար, նա ո՞նց պետք է ընտանիք պահի, երեխային մեծացնի, ուսումի տա: Ու այստեղ էլ ավելանում են կոռուպցիոն ռիսկերը: Այլ բան է եթե երկիրը բարգավաճ է»,- նկատում է սոցիոլոգը:

Անդրադառնալով ՀՀ վարչապետ Հովիկ Աբրահամյանի կոռուպցիայի դեմ պայքարին վերաբերող հայտարարությանը, Ահարոն Ադիբեկյանը նկատեց, որ ոչ միայն Հայաստանի, այլև բոլոր երկրների վարչապետները հավանություն են տալիս հակակոռուպցիոն ծրագրերին, սակայն այս խնդրի լուծումները ամեն երկրում այլ ուղղությամբ է ընթանում և արդյունք չի տալիս: «Վարչապետը ոչ թե պետք է հանձնարարի նախարարներին առաջարկներ անել` կոռուպցիայի դեմ պայքարելու համար, այլ պետք է ունենա փորձագետենրի խումբ, ովքեր կարող են աել, թե որտեղ է պետք կրճատել ծախսերը, որտեղ է պետք տնտեսել գումարները, եւ այլն»,-ասում է սոցիոլոգը:

Այս հարցում կարող են օգնել վարչապետին քաղաքական ուժերը թե ոչ հարցին, Ահարոն Ադիբեկյանը նկատեց, որ այսօր շատ կուսակցություններ բավականին ցածր վարկանիշ ունեն: Թե կոնկրետ ո՞ր կուսակցությունն այսօր ինչ կշիռ է` ներկայացնում հանրության շրջանում, Ահարոն Ադիբեկյանը դժվարացավ ասել: Մի շարք կուսակցությունների սոցիոլոգիական կենտրոնը հարցումներ է ուղարկել՝ պարզելու թե ինչ դիրք է զբաղեցնում տվյալ քաղաքական ուժն այսօր, սակայն մինչ օրս ոչ մեկն իր առաջարկին չի արձագանքել: «Սոցիոլոգիական հարցումները մեծ գումարների հետ է կապված, առայժմ պատասխան չենք ստացել կուսակցություններից »,-նկատեց Ադիբեկյանը: