Ոսկեղենը վաճառել է, որ կոմունալները վճարի

Hraparak.am-ը գրում է .

Կոմունալ վարձավճարների գանձման օրերին «Հայփոստի» բաժանմունքներում ու բանկերի մասնաճյուղերում «կատաստրոֆիկ» իրավիճակ է ստեղծվում: Լսելով ծախսված գազի ու էլեկտրաէներգիայի աստղաբաշխական թվերը, բնակիչները նախ մի պահ կանգ էին առնում՝ կարգավորելու շնչառությունը, ապա ուշքի գալով՝ խնդրում բանկի կամ «Հայփոստի» աշխատակցին մեկ անգամ էլ ստուգել թվերը:

Աննա Հովհաննիսյանը, որը Կոնվերսբանկի Էջմիածնի մասնաճյուղի սպասասրահում գունատված նստած էր, գրեթե լացակումած պատմում էր, որ կոմունալները վճարելու համար ստիպված է եղել իր ոսկյա կախազարդն ու մատանին վաճառել: «Բայց արի ու տես, որ էդ գումարն էլ չհերիքեց. միայն գազի վարձը կարողացա տալ: Դեռ լույսի, հեռախոսի ու ջրի վարձերի մասին չեմ խոսում: Ամուսինս ռուսի ոտի տակ ինչքա՞ն ասֆալտ պիտի փռի, որ մեզ հասցնի: Անզորությունից չգիտեմ ինչ անեմ. աշխատանքի էլ չեմ կարողանում տեղավորվել, որ ընտանիքիս հոգսը կիսեմ, որտեղ գնում եմ՝ ասում են մեծ ես, մենք ջահելների ենք գործի ընդունում: Բա 52 տարեկան կինը մե՞ծ ա...»,-սիրտը թեթեւացնելով՝ պատմում էր տիկին Աննան:

Մանրամասն ՝ սկզբնաղբյուրում: