Ո՞վ եւ ինչո՞ւ սպանեց քրեական հեղինակությանը...

Կարծում եմ, ՌԴ-ում տեղի ունեցած ռազբորկանների արդյունքն է` այս դաժան սպանության պատճառը...

Օրերս Վրաստանի Ախալքալաքի շրջանի Խանդո գյուղում սպանվել է Ռուսաստանում հայտնի քրեական հեղինակություն Սարգիս Հակոբյանը: Հարձակվողները քրեական հեղինակությանը դանակահարել են Խանդո գյուղի ճանապարհին`անտառում, ինքնաձիգից կրակ բացելով քրեական հեղինակության մեքենայի վրա: Արդյունքում մեքենան դուրս է եկել ճանապարհի երթեւեկելի մասից եւ հայտնվել առվի մեջ: Թե ի՞նչն էր քրեական հեղինակության սպանության պատճառը, ի՞նչ գործունեություն էր առհասարակ ծավալում Ս. Հակոբյանը, Fnews.am-ին որոշ մանրամասներ ներկայացրեց քրեական հեղինակության մտերիմ ընկեր Աշոտը:

«Թե ո՞վ է զակազ տվել Սարգիսին սպանելու, ցավոք, հիմա մեզանից եւ ոչ ոք նման պատասխանատու հայտարարություն չի կարող անել: Բայց որ չուզողներ, նախաձողներ ոնց էլ լիներ կունենար, դա փաստ է: Պատմում էր, որ որոշակի խնդիրներ է ունեցել ՌԴ ում, որի պատճառով ընտանիքի հետ Ախալքալաք էր եկել: Բայց թե ինչ ու կոնկրետ ում հետ, չեմ հասցրել հետաքրքրվել: Ինքը վաբշե իր անձնականի մասով շատ փակ էր: Կարծում եմ, ՌԴ-ում տեղի ունեցած ռազբորկանների արդյունքն է` այս դաժան սպանության պատճառը:
Բայց ինքը միշտ, անկախ իրա խառը գործերից ուրախ ու անհոգ տրամադրությամբ էր ներկայանում ընկերությանը, երբեք չի կիսվել խնդիրներով: Ինքը սաղի հարցերով ապրում էր, օգնում էր բոլորին անխտիր. թե' այստեղ, թե' ՌԴ-ում, ըտենց Ջավախցի չկա, որ դիմեչ իրեն ու ինքը մերժեր»:

Իսկ թե իրականում սպանվողը քրեական հեղինակություն է համարվել, թե՞ ոչ, մեր զրուցակիցը նկատեց. «Չեմ կարող ասել, որ ըտենց չէր, բայց Սարգիսը երբեք ուրիշների նկատմամբ ձեռք բարձրացրած, բռնություն կիրառած չկար, արդարության ու ճշմարտության կողմնակից էր: էդ երկու բանը իրա սրբություններն են եղել. բոլոր ջավախցինքերին պաշտպանել է, սատարել: Ախր, որ իմանայինք, որ իրեն հետապնդում են, զակազ են տվել, մի ձեւ կկանխեինք, բայց նման բան ո'չ ինքը, ո'չ էլ մենք չենք զգացել: Բայց, փաստորեն մարդասպանը լավ էլ հետեւել է իրեն, գիտեր ինչը ոնց աներ: Սարգիսը սովորաբար ինքն էր ծնողներին էս ամիսներին կանչում մոտը, բայց էս անգամ ինքը ընտանիքով մի տաս օր առաջ էր եկել»:

Տաթեւիկ Աբրահամյան