Ովքեր են ԱԺ ամենահարուստ կին պատգամավորները

slaq.am-ը գրում է. Այն, որ ԱԺ-ի պատգամավորների մեծ մասը գործարարներ են, դա ոչ մեկի համար արդեն գաղտնիք չէ, իսկ թե ինչ ունեն և բացի «չոր աշխատավարձից» ուրիշ ինչ եկամուտ են ստանում ԱԺ-ի կին պատգամավորները` Slaq.am-ը ուսումնասիրեց parliamentmonitoring.am-ը, ըստ որի տվայլների` 14 կին պատգամավորներից ամենահարուստը ՀՀԿ-ական պատգամավոր Հերմինե Նաղդալյանն է, երկրորդ տեղում ԱԺ նորընտիր ՀՀԿ-ական պատգամավոր Մարինե Մարաբյանն է, իսկ երրորդը տեղը զբաղեցնում է ՕԵԿ-ական պատգամավոր Հեղինե Բիշարյանը:

Նաղդալյան Հերմինե Միքայելի ՀՀԿ–ական պատգամավոր Հերմինե Նաղդալյանը «Անշարժ գույք» բաժնում հայտարարագրել է 2 բնակարան Երևանում` 205.6 քմ ընդհանուր մակերեսով, 4 հողամաս` մոտ 1 հա տարածքով, 2 շինություն` 790 քմ ընդհանուր մակերեսով:

Հաշվետու տարվա եկամուտը` 781 մլն 548 հազ. դրամ (3 մլն 153 հազարը` պատգամավորի աշխատավարձ, մնացածը շահաբաժին և փոխառություն):

Դրամական միջոցները հայտարարագիրը ներկայացնելու օրվա դրությամբ` 100 մլն ՀՀ դրամ, 30 հազ.ԱՄՆ դոլար:

Շարժական և թանկարժեք գույք, ըստ հայտարարագրի, չունի:

Հայտարարագրի «Արժեթուղթ և այլ ներդրում» բաժնում նշել է «Բեգ-Միք» ՍՊԸ-ի 100 % բաժնետոմսի օտարում:

Մարաբյան Մարինե Գեւորգի

ՀՀԿ–ական Մարինե Մարաբյանը «Անշարժ գույք» բաժնում հայտարարագրել է 2 բնակարան` 141.1 քմ ընդհանուր մակերեսով:

Հաշվետու տարվա եկամուտը` 30 մլն 319 հազ. 940 դրամ (22 միլիոնը` փոխառություն, մնացածը` աշխատավարձ «Ինթերնեշնլ Մասիս Տաբակ» ՍՊԸ-ից):

Դրամական միջոցները հայտարարագիրը ներկայացնելու օրվա դրությամբ` 40 մլն ՀՀ դրամ և 145 հազ. ԱՄՆ դոլար:

Մանրամասները` սկզբնաղբյուրում: