Փարիզյան ահաբեկիչների համախոհ Հայաթ Բումեդյենը իրոք եղել է Թուրքիայում. Թուրքիայի ԱԳՆ

Հունվարի 12-ին Թուրքիայի արտգործնախարար Մեվլյութ Չավուշօղլուն հաստատել է, որ Փարիզյան ահաբեկիչների հաամախոհ Հայաթ Բումեդյենը իրոք եղել է Թուրքիայում:

Ըստ Թուրքիայի ԱԳՆ-ի՝ հունվարի 2-ին Բումեդյենը Ստամբուլ է ժամանել Մադրիդից և կանգ առել Քադըքեյ թաղամասի հյուրանոցում, որից հետո հունվարի 8-ին հատել է Սիրիայի սահմանը՝ Աքչաքալե քաղաքի հատվածում, փոխանցում է rbc-ն՝ վկայակոչելով թուրքական Anadolu գործակալությունը:

Ավելի վաղ ֆրանսիական Le Monde թերթը, վկաակոչելով բարձրաստիճան աղբյուրը, հայտնել էր, որ հունվարի 2-ին Հայաթ Բումեդյեն անձնագրով աղջիկը, որը նման է ահաբեկիչ Կուլիբալիի՝ հետախուզման մեջ գտնվող կենակցուհուն, Մադրիդ-Ստամբուլ չվերթն է իրականացրել: Այնտեղից հունվարի 8-ին նա Սիրիա է մեկնել, իսկ հունվարի 9-ի հետադարձ տոմսն այդպես էլ չի օգտագործել:

26-ամյա Հայաթ Բումեդյենը կասկածվում է Փարիզում հունվարի 9-ին սուպերմարկետում պատանդներ վերցնելուն մասնակցության մեջ: