Պարզվել է ինքնասպանություն գործած անձի ինքնությունը

ՀՀ ՔԿ Երևան քաղաքի քննչական վարչության Մալաթիա-Սեբաստիա վարչական շրջանի քննչական բաժնում նախապատրաստվող նյութերի ընթացքում պարզվել է նոյեմբերի 10-ին սահմաններում Երևան քաղաքի Կիևյան կամրջից ինքնասպանություն գործած անձի ինքնությունը։ Այս մասին տեղեկացնում են ՀՀ քննչական կոմիտեից։

Ավելի վաղ հաղորդվել էր, որ 2014թ. նոյեմբերի 10-ին՝ ժամը 10:00-ի սահմաններում, արական սեռի անձը Երևան քաղաքի Կիևյան կամրջից իրեն ցած նետելու միջոցով ինքնասպան է եղել:

Դեպքի առթիվ Մալաթիա-Սեբաստիա վարչական շրջանի քննչական բաժնում նախապատրաստվում են նյութեր:

Պարզվել է, որ ինքնասպանություն գործած անձը Երեւանի բնակիչ, 1993թ. ծնված Դավիթ Հարոյանն է։

«Փաստինֆո»-ի տեղեկություններով՝ վերջինս պայմանագրային հիմունքներով աշխատել է Վայքի զորամասում։

Կատարվել է դեպքի վայրի և դիակին արտաքին զննություն, նշանակվել դիակի դատաբժշկական փորձաքննություն, հանձնարարություն է տրվել ՀՀ ոստիկանության Մալաթիայի բաժնին` դեպքի հանգամանքները պարզելու, ականատեսներ հայտնաբերելու ուղությամբ:

Նյութերի նախապատրաստումը շարունակվում է: