Պատասխանատվության ահռելի բեռ է կրում մեր բանակը

Երեկ ձախողվել է հերթական ադրբեջանական դիվերսիան: Թշնամու էլիտար համարվող ստորաբաժանումը ոչնչացված է: Ցավի ու հպարտության ապրումներ այսօր ունեն բոլորը` զոհվել են դիրքապահ տղերք:
Փաստ է` երեկ Գյուլիստանի անտառներում թշնամին բախվել է մինչև հաղթական ավարտ կատաղի կռվելու ունակ բանակի հետ: Այս տարիներին մեր աչքի առաջ կայացել է մի ուժ, որին երեկ թշնամին հաղթել ի զորու չի եղել: Մենք շնորհակալ ենք մեր դիրքապահներին, նրանց ծնողներին, բոլոր այն հրամանատարներին ովքեր այսպիսի զինվորներ են կայացրել:
Պատասխանատվության ահռելի բեռ է կրում այսօր մեր բանակը, ու այդ պատասխանատվության հետ բանակին միայնակ թողնել` չի կարելի: Այսօր առավել քան երբևէ մեր բանակը պետք է զգա մեզ բոլորիս իր թիկունքին: Ամուր թիկունքի զգացումը մեր զինվորականներին անհրաժեշտ է, որովհետև նրանք այսօր պետք է ազատ լինեն իրենց որոշումներում:
Չկա ավելի վտանգավոր բան, քան ինքնախաբեությունը: Ակնհայտ է, որ առաջիկայում սահմանում անդորր չի լինելու, ու այս իրավիճակում կա ընդամենը մեկ ելք` թշնամին պետք է վախենա մեզանից:

Fnews.am