ՊՆ-ն հաստատում է Սուրիկ Խաչատրյանի որդու նևրասթենիան

Պաշտպանության նախարարությունը պատասխանել է Սյունիքի մարզպետի որդու` Տիգրան Խաչատրյանի` զինվորական ծառայությունից տարկետում ստանալու պատճառների վերաբերյալ Panorama.am-ի հարցմանը:

Panorama.am-ի հարցին, թե ինչ հիմքով կամ առողջական ինչ խնդիրների պատճառով է Սյունիքի մարզպետի որդին ազատվել զինվորական ծառայությունից, ՊՆ լրատվական ծառայությունից ստացված պատասխանը ներկայացնում ենք ամբողջությամբ.

«Տիգրան Սուրիկի Խաչատրյանը 2013 թվականի ձմեռային զորակոչի ընթացքում 13.01.2013թ. ներկայացել է Կենտրոնական բժշկական հանձնաժողովի նիստին: Համաձայն բժիշկ փորձագետների զննման և տրված ակտի, նրա մոտ ախտորոշվել է «նևրասթենիա, ասթենոնևրոտիկ վիճակ» և համաձայն ՀՀ Պն 410-13 հրամանի 5-րդ հոդվածի գ. կետի պահանջների, տրվել է տարեկետում 6 ամիս ժամկետով:

24.07.2014թ. Տիգրան Սուրիկի Խաչատրյանը ներկայացել է Կենտրոնական բժշկական հանձնաժողովի նիստին, զննվել է բժիշկ-փորձագետների կողմից: Նրա մոտ ախտորոշվել է «նևրասթենիա չափավոր արտահայտված» և, համաձայն ՀՀ Պն 410-13 հրամանի 5-րդ հոդվածի բ կետի պահանջների, ճանաչվել է «ժամանակավորապես ոչ պիտանի ծառայությանը խաղաղ ժամանակ» և տրվել է տարկետում 3 տարի ժամկետով»:

 panorama.am