Փոքր երկիր՝ ահռելի պատմություն…

Հայոց ցեղասպանությունից 100 տարի է անցել, և այն դեռևս անպատիժ է մնում, մինչդեռ, պատմական այդ ողբերգությունը 1,5 միլիոն հայի կյանք խլեց: Ցեղասպանությունը ծրագրված էր Օսմանյան կայսրության Երիտթուրքերի կողմից, ովքեր նպատակ ունեին համընդհանուր բնաջնջման ենթարկել հայ ժողովրդին. մի բան, որը չհաջողվեց իրագործել:

Եվ քանի դեռ Հայոց ցեղասպանությունն անպատիժ է մնում, հայ ժողովրդի վերքերը բաց կմնան, և նրանք կշարունակեն արդարություն պահանջել, որտեղ էլ որ նրանք ապրեն՝ Հայաստանում, թե արտերկրում:
Թուրքայի նոր սերունդը պետք է գիտակցի, որ մեծ պատասխանատվություն է կրում պատմության վերքերի համար և որ անհրաժեշտ է հաշտվել անցյալի հետ և առերեսվել դրան: Ժամանակն է, որպեսզի թուրքական հասարակությունն ու պետությունը ընդունի «ցեղասպանությունն» ու նոր էջ բացի պատմության մեջ:
Կորցրածը վերադարձնելու հույսով՝ գիտակցում ենք, որ 1,5 միլիոն հայերի կյանքը չենք վերադարձնի: 2015թ.-ը պատմական նշանակալից տարի է Հայաստանի համար: Չնայած բազում տարիներ Թուրքիայի կողմից տարվող ժխտողական քաղաքականության՝ այսօր մի շարք հզոր պետություններ սատարում և կիսում են մեր ցավը և, իհարկե, իրենց մեծ ներդրումն են կատարում Ցեղասպանության ճանաչման գործում: Այդ ամենի վառ վկայությունն են վերջին շրջանում տեղի ունեցած իրադարձությունները, երբ Վատիկանի Սուրբ Պետրոս տաճարում Հայոց ցեղասպանության զոհերի հիշատակին նվիրված պատարագի ժամանակ Հռոմի պապը 20-րդ դարում Օսմանյան կայսրությունում հայերի ջարդերն առաջին ցեղասպանություն անվանեց՝ կոչ անելով Թուրքիային ճանաչել պատմական փաստը, որից անմիջապես հետո մի շարք սպառնալիքներ հնչեցին Թուրքիայի կողմից:
Այսօր հայերն ապրում են, բարգավաճում, փորձում են ողջ աշխարհին լսելի դարձնել այնպես, որ 100 տարի անց 20-րդ դարի առաջին ցեղասպանությունը վերջապես դատապարտվի:
Հ.Գ. Աշխարհով մեկ սփռված ամեն հայի սրտում հույսի մի նշույլ կա, որ մի օր ողջ աշխարհը կճանաչի Հայոց ցեղասպանությունը, կճանաչի հայոց անդառնալի ցավն ու վիշտը:

Կից նյութը՝ այստեղ:

Սոֆիա Ստեփանյան. Ֆեյսբուք