Քիչ առաջ հարձակման է ենթարկվել ԱԺ պատգամավոր Արամ Մանուկյանը

Մոտ կես ժամ առաջ հարձակման է ենթարկվել Ազգային ժողովի «Հայ ազգային կոնգրես» խմբակցության քարտուղար Արամ Մանուկյանը։

Ինչպես հայտնում է «ilur.am»-ը, անհայտ անձը կամ անձինք հարձակվել են Մանուկյանի վրա վերջինիս տան շքամուտքի մոտ։ Պատգամավորը վնասվածքներ է ստացել։

Դեպքի վայր են ժամանել ոստիկանության աշխատակիցները։

Արամ Մանուկյանին տրվել է դատաբժշկի ուղեգիր։

Դեպքի վայրում գտնվող ոստիկանները բացատրություն են վերցնում Արամ Մանուկյանից:

Մանուկյանի վրա հարձակում է գործել միջին տարիքի չդիմակավորված, գլխարկով տղամարդ, ժամը 20:10-ի սահմաններում: Նա առանց որևէ խոսքի մեկ հարված է հասցրել պատգամավորի դեմքին և դեպքի վայրից դիմել փախուստի: Այս մանրամասները Արամ Մանուկյան բնակարանի մոտ հավաքված բազմաթիվ լրագրողներին հայտնեց Կոնգրեսի խոսնակ Արման Մուսինյանը:

Այս պահին Արամ Մանուկյանը զննման նպատակով` հիվանդանոցում է:

Քիչ առաջ դեպքի վայր են ժամանել նաեւ Մարդու իրավունքների պաշտպանի աշխատակազմի ներկայացուցիչները