Ռեգիոնում որակապես նոր ռազմաքաղաքական իրավիճակ է ստեղծվել

Այս օրերին Արցախում ՀՀ Զինված ուժերնու Արցախի Պաշտպանության բանակը զորավարժություններ են անցկացնում:
Համաձայն ՀՀ ազգային անվտանգության ռազմավարության ու ռազմական դոկտրինի` Հայաստանի Հանրապետությունը Արցախի անվտանգության երաշխավորն է: Ահա այս իրավական հենքի վրա` հայկական երկուպետություններիմիջև հաստատված է սերտ ռազմական համագործակցություն:Իսկ եթե մի կողմթողնենք իրավական ձևակերպումները` ապա հայրենիքը մեկն է` Հայաստանը, ուրեմն` արտաքին վտանգն էլսպառնում է մեզ բոլորիս, ուրեմն` Արցախի պաշտպանությունը ո’չ թե միայն Արցախի, այլ համայն Հայաստանի պաշտպանությունն է: Այդ պատճառով էլ` Արցախում` Հայաստանի արևելյան դարպասների մոտ Հայոց բանակը զորավարժություն է անցկացնում:
Այս տարվա հուլիս-օգոստոս ամիսներին պետական սահմանին իրավիճակն ապակայունացնելու դիմաց թշնամին թանկ գին վճարեց: Ադրբեջանում շատերի մոտցրվեց տարիներով ձևավորված այն պատրանքը, թե հայկական բանակը թույլ հակառակորդ է, և առաջին հերթինայն ասկյարների մոտ, ում սեփական հրամանատարությունը բառի բուն իմաստով այդ օրերին ուղարկում էր ՙմահվան բերան՚: Այդ իրադարձություններիցհետո ռեգիոնում որակապես նոր ռազմաքաղաքական իրավիճակ է ստեղծվել: Բոլորի համար հստակ է դարձել, որ հավանական պատերազմի դեպքում Ադրբեջանի հաղթանակի հավանականությունըշատ ավելի փոքր է, քան կարելի էր սպասել:Իսկ սա գործոն է, որ կարող է տակնուվրա անելտարածաշրջանում իրենց շահերը հետապնդողների աշխարհաքաղաքական ծրագրերը:
Մեր բանակի օգոստոսյան հաջողությունը տևական, բայց շատերի համար անտեսանելի աշխատանքի արդյունք էր: Սակայն հակադիվերսիոն միջոցառումները բանակի գործառույթներից մեկն է միայն: Նրա հիմնական գործառույթը` մեծ պատերազմում հաղթելու պատրաստ լինելն է: Այս զորավարժությունների նշանակությունը հենց դրանում է կայանում:
Պաշտպանության նախարար Սեյրան Օհանյանը պատրաստում է մերբանակը հավակնոտ խնդիրներ լուծելու: Տվյալ դեպքում հավակնոտ ասելով պետք է հասկանալ այն, որ եթե Ադրբեջանը վերսկսիմեր դեմ լայնամասշտաբ ռազմական գործողություններն, ապա դա պետք է լինի Ադրբեջանի վերջին պատերազմը մեր դեմ: Այդ դեպքում մեր հաղթանակը պետք է լինի վերջնական, այսինքն հայոց երկրի արևելյան սահմանները վերջնականապես խաղաղ դարձնող: Ահա այսպիսի մարտունակության պոտենցիալ ձևավորելու նպատակն ունենանցկացվող և անցկացվելիք զորավարժությունները:
Խորհրդանշական է այն, որ այսօր զորավարժություններն անցկացվում են այնտեղ, որտեղ 90-ականների սկզբին թեժ մարտեր էին ընթանում: Այսօրայդ տեղանքում արցախյան պատերազմում հաղթանակած զորահրամանատարները մեծ պատերազմում հաղթելու են պատրաստում մեր բանակի նոր սերնդի հրամանատարներին: Այդ երիտասարդ հրամանատարները Սեյրան Օհանյանի կադրերն են: Նրանց խնդիրն է լինելումեր երկրինոր սահմաններ գծելը, եթե Ադրբեջանում չհամակերպվեն այսօրվա գոյությունունեցող սահմանների հետ:

Հովհաննես  Աղայան