Ռուսաստանում հայերի մասնակցությամբ սպանությունը Գյումրիի հետ ոչ մի կապ չունեն

Երկու օր առաջ տեղեկատվություն տարածվեց, որ Մինվոդիի սրճարանում դանակահարվել է ՆԳՆ հատուկջոկատային, որը մասնակից էր դարձել քաղաքացիական անձանց հետ զինվորականների ծեծկռտուքին:

Ռուսաստանի ՆԳՆ հատուկջոկատայինի սպանությունը հետաքննում է Ստավրոպոլի երկրամասի ոստիկանությունը: Գերատեսչության տվյալներով՝ կռիվը սկսվել է կենցաղային բնույթի վեճից, որը ծագել էր երիտասարդների երկու խմբերի միջև: ՙՕպերա՚ սրճարանում հարաբերություններ են պարզել 4 զինծառայողներ և 4 քաղաքացիական անձինք: Տուժած զինվորականը տեղում մահացել էր, իսկ քաղաքացիական անձինք փախուստի էին դիմել:

Սպանվածը ներքին զորքերի պայմանագրային զինծառայող Դմիտրի Սիդորենկոն է՝ Մինվոդիի շրջանի Նովոտերսկի բնակավայրից: Հետաքննության շրջանակում 10 մարդ է ձերբակալվել, սակայն ենթադրվում է, որ հիմնական կասկածյալը` վնասվածքը պատճառողը, 1991թ. ծնված հայազգի Միխայիլ Գրիգորյանն է, ում, ըստ Rosbalt-ի երեկվա տեղեկատվության, նախօրեին ձերբակալել են քաղաքի տարածքում։ 23-ամյա Գրիգորյանն արդեն խոստովանական ցուցմունք է տվել, իսկ նրա ընկերը՝ Կարեն Թովմասյանը, որը նույնպես մասնակցել է ծեծկռտուքին, դեռևս չի գտնվել։

Նշենք, որ դեպքը տեղի է ունեցել հունվարի 21-ին «Օպերա» կարաոկե բարում։ Վեճի էին բռնվել 5 հատուկջոկատայիններ և մոտ 25 տեղի բնակիչներ։ Ականատեսները պատմել են, որ վեճը ծագել է Գյումրիի ողբերգության մասին խոսակցությունների պատճառով։

«Առաջին լրատվական»-ը երեկ զրուցեց Ռուսաստանի հայերի միության փոխնախագահ Գերման Անանյանցի հետ Մինվոդիում կատարված սպանության հանգամանքների և այն Գյումրիի ողբերգական իրադարձություններով պայմանավորելու շուրջ: Նա, սակայն, կտրականապես բացառեց, որ Մինվոդիում կատարված սպանությունը ազգային հենք ունի` ասելով. «Մինվոդիի ռեստորաններից մեկում կռիվ է տեղի ունեցել հարբած տղամարդկանց միջև, որտեղ Ռուսաստանի հայազգի քաղաքացին սպանել է ՆԳՆ ծառայողի, ով քաղաքացիական հագուստով է եղել: Նրանք բոլորը շատ հարբած են եղել, ոտքի վրա չեն կարողացել կանգնել, և տեղի է ունեցել այդ տհաճ դեպքը: Այն ոչ մի ձևով կապված չէ ազգային հարցի հետ, նույնիսկ հեռակա ձևով: Դա ամենաիսկական կենցաղային վեճ է, որին պետք չէ այդքան մեծ նշանակություն տալ: Գյումրիի հետ այն ոչ մի ձևով չի առնչվում՝ ո՜չ ուղղակի, ո՜չ էլ անուղղակի ձևով»:

Շարունակությունը` սկզբնաղբյուրում: