ՌՈՒԶԱՆՆԱՅԻ ԳՐԱՌՈՒՄՆԵՐԻ Ո՞Ր ՄԱՍԸ ՇՏԿՄԱՆ ԿԱՐԻՔ ՈՒՆԻ

hraparak.am-ը գրում է.

Ժամանակ առ ժամանակ Ռուզաննա Խաչատրյանի «ջրային սառը պրոցեդուրան» օգտակար է հետևյալ առումով։ Անկախ այն բանից, թե ով է «հերոսը», թե ինչ նպատակով է նա գրում, հանրության մեջ ձևավորվում է չընդունելի մի կերպար, որը որոշակի անուն ունի՝ դասալիք։ Այդ կերպարն ինձ, կարծում եմ նաև շատերի համար, ովքեր քաղաքական փամփուշտներ չեն նետում կոնկրետ որևէ անձի ուղղությամբ, հավաքական, ընդհանրական իմաստ ունի։

Քիմ Քարդաշյանը գեղեցիկ կնոջ մարմնացում է, ավելին չասեմ։ Եթե Ռուզաննան տղամարդու շուրթերը համեմատում է գեղեցկուհու շուրթերի հետ, դրա մեջ ոչ թե ֆիզիոլոգիական,այլ հոգեբանական նույնություն պետք է փնտրել։ Այսինքն դասալիքի մոտ մատնանշվում է կանացի բարեմասնությունը։ Սովորաբար տղամարդուն գովերգում են որպես առնականության մարմնացում, կանացի բարեմասնությունները ներկայացնելը դիտվում է որպես նրան նվաստացնելու միջոց։ Իսկ մեծ փորը անհատակ հորի, փափկակենցաղության, ագահության ու էլի շատ արատների մասին է խոսում։

Ռուզաննա Խաչատրյանը որոշակի սլաքներով ուղղորդում է․

**«Ես գնահատականներ էի հնչեցրել մի դասալիքի մասին, որը մասնակցել էր տեղեկատվական դաշտում իմ դեմ սանձազերծված անբարո արշավին»։ **

Ռուզաննան նեղացնում է շրջանակը, որն իր օգտին չի, այն առումով, որ նման գաղափարական մեծ արշավի դեպքում հարցը խեղդվում է անձնային նեղ դաշտում։ Դա հասարակական մեծ հնչեղություն ունի, դասալիքը հավաքական կերպար է, որը մարդկանց մոտ խորը ատելություն է առաջացնում կերպարի հանդեպ։ Իսկ երբ այն տեղափոխվում է անձնական դաշտ՝ ընկալվում է ամուսնու «տակը փորած» մի մարդու կերպար, որի մասինխոսվում է ամուսնու պաշտոնը կորցնելուց հետո։ Այդ առումով, ավելի հնչեղ կլիներ տիկին Ռուզաննայի խոսքը, երբ սահուն կերպով անձնական դաշտից տեղափոխվեր հանրային դաշտ։ Հանրության համար դա ցավոտ հարց է, բազմիցս բարձրացված ու լռության մատնված․ այն հանրության կողմից կընկալվեր որպես սեփական հարց։ Այդ մասին տիկինն ինքն էլ է իր վերջին գրառման մեջ գրում․

«Եվ վստահ եմ, որ անկախ նրանից՝ ով ում նմանեցրեց, հոգու խորքում բոլորը մերժեցին նկարագրվող գործչի տեսակը: Այն, որ պետք է բացառել քաղաքական արենայում ժամանակին զինվորական ոստիկանության կողմից իրենց տան բազկաթոռի ետևից հայտնաբերված բանսարկու դասալիքի մուտքը, բոլորը կհամաձայնեն»:

Համաձայն եմ, բայց այդքանով հանդերձ անձնական երանգը կարմիր թելի պես երևում է․ «Ես գնահատականներ էի հնչեցրել մի դասալիքի մասին, որը մասնակցել էր տեղեկատվական դաշտում իմ դեմ սանձազերծված անբարո արշավին»։ Բնական հարց է ծագում․ իսկ եթե այդ դասալիքը չմասնակցեր ձեր դեմ սանձազերծված անբարո արշավին, կգրեի՞ք նրա մասին։ Հենց այս բաց կետից են կախվում շատերը՝ ձեր ցավոտ տեղի՞ն են կպել։ Ա՜յ այդ բաց կետը պետք է լցնել՝ բարձրանալով անձնականից։ Ռուզաննայի գրառումների այս մասը շտկման կարիք ունի․․․

Ժամանակ առ ժամանակ Ռուզաննա Խաչատրյանի «ջրային սառը պրոցեդուրան» օգտակար է հետևյալ առումով։ Անկախ այն բանից, թե ով է «հերոսը», թե ինչ նպատակով է նա գրում, հանրության մեջ ձևավորվում է չընդունելի մի կերպար, որը որոշակի անուն ունի՝ դասալիք։ Այդ կերպարն ինձ, կարծում եմ նաև շատերի համար, ովքեր քաղաքական փամփուշտներ չեն նետում կոնկրետ որևէ անձի ուղղությամբ, հավաքական, ընդհանրական իմաստ ունի։

Քիմ Քարդաշյանը գեղեցիկ կնոջ մարմնացում է, ավելին չասեմ։ Եթե Ռուզաննան տղամարդու շուրթերը համեմատում է գեղեցկուհու շուրթերի հետ, դրա մեջ ոչ թե ֆիզիոլոգիական,այլ հոգեբանական նույնություն պետք է փնտրել։ Այսինքն դասալիքի մոտ մատնանշվում է կանացի բարեմասնությունը։ Սովորաբար տղամարդուն գովերգում են որպես առնականության մարմնացում, կանացի բարեմասնությունները ներկայացնելը դիտվում է որպես նրան նվաստացնելու միջոց։ Իսկ մեծ փորը անհատակ հորի, փափկակենցաղության, ագահության ու էլի շատ արատների մասին է խոսում։

Ռուզաննա Խաչատրյանը որոշակի սլաքներով ուղղորդում է․

**«Ես գնահատականներ էի հնչեցրել մի դասալիքի մասին, որը մասնակցել էր տեղեկատվական դաշտում իմ դեմ սանձազերծված անբարո արշավին»։ **

 Առավել մանրամասն`  hraparak.am