Սահակյան եղբայրները գործի են անցել

Որքան ավելի է մոտենում խորհրդարանական ընտրությունների օրը, այնքան ավելի լարված նախընտրական մթնոլորտ է ձևավորվում ՀՀ-ի մարզերում: Արագածոտնի մարզը այս տեսանկյունից՝ դուրս չի մնում նախընտրական թոհ ու բոհից:

Հիշեցնենք, որ Արագածոտնի մարզի ՀՀԿ ցուցակում ընդգրկված են պատգամավորներ Արագած Ախոյանը, Մնացական Մնացականյանը, Բազմասեր Առաքելյանը, Արագածոտնի նախկին մարզպետ, Հայդուկ ՀԿ-ի նախագահ Նաիրի Սահակյանը, եւ գրոսմայստեր Լիլիթ Մկրտչյանը:

Թե ինչ են հասցրել անել տարիների ընթացքում այս մարզը ներկայացնող «կոճակ սեղմող»-ներից մի քանիսը նրանց մասին կխոսենք՝ անուն առ անուն, իսկ այս պահի դրությամբ պետք է նշենք, որ Արագածոտնի մարզկենտրոնում՝ Աշտարակում, ընտրական կամպանիայի լուրջ արսենալը՝ մարդկային ռեսուրսի, հնարավորությունների ու մարզում ունեցած հեղինակության տեսանկյունից գտնվում է Սահակյան եղբայրների ձեռքում: Քանի  որ նրանք իրականում մարզում լուրջ խաղացողներ են, եւ հենց նրանց շուրջն է համախմբվել մարզի ակտիվը, եւ ոչ միայն...

Արդեն իսկ մարզում նախընտրական լուրջ աժիոտաժ է սկսվել շնորհիվ Սահակյան եղբայրների, ովքեր ցանկացած առիթի դեպքում, նախ եւ առաջ մեջտեղ են բերում իրենց հարազատ կուսակցությանը. այստեղ շատերը պատմում էին, որ Սահակյան եղբայրները ցանկացած առիթի ժամանակ առաջինը խմում են իրենց հարազատ կուսակցության՝ՀՀԿ-ի  կենացը, հետո նոր անդրադառնում են այլ կենացների:

Ու ինչպես նշեց Աշտարակի տարեցներից մեկը.«Սահակյանները աղ ու հացով, նորմալ, ժողովրդի միջից դուրս եկած մարդիկ են: Մեր Նաիրիին  էլ շատ ենք հարգում  եւ սիրում: Նա շատ շնորհքով, սրտով լավ մարդ ա, լավ ընտանիքի զավակ ա, մենք նրան ենք ընտրելու:
Մարզի երիտասարդներից շատերն էլ մեզ հետ զրույցում նշում էին, (որոնց մեջ կային նաեւ Հայդուկ ՀԿ-ի հետեւորդներ), որ ինչպես բոլոր ընտրություններում, այնպես էլ հիմա, մարզի երիտասարդության առողջ կորիզը Նաիրի շուրջն է համախմբված, որովհետեւ նա իրենց համար լավագույն ընկեր է, շիտակ ու համեստ հայ մարդ, ում վրա կարող են իսկապես հույս դնել: Մենք մեր հայդուկներով, մեր հայրենասերների թիմով գնալու ենք մեր Նաիրի հետետւից եւ կանգնելու ենք ՀՀԿ-ի կողքին,որովհետեւ իրականում ՀՀԿ-ն  իր վրա պատասխանատվություն վերցնող քաղաքական ուժ է: 

45 ամյա Վ. Սարգսյանն էլ իր հերթին նշեց, որ զզվել են կոճակ սեղմող ու բերանները ջուր առած այն ջիպավորներից, ովքեր նույնիսկ իրենց հարազատների մատից մի փուշ չեն հանում,  ուր մնաց թե մտածեն ժողովրդի մասին: «Էդ սուտիները մի օր ԲՀԿ են, մի օր ՀՀԿ, մի օր ՃՃԿ, մենք դրանց լուրջ չենք վերաբերում: Հիմա մեզ իրոք սերնդափոխություն է պետք: Ում  խելքին էսօր ինչ փչի՝ խոսում ա: Մենք նայում ենք մարդու գործին: Օրինակ մեր նախկին մարզպետը՝ Սարգիս Սահակյանը էս մարզը կարգի բերեց. խաղաղություն, կարգ ու կանոն հաստատեց ու ամենակարեւորը՝ իրականացրեց մի շարք կարեւոր ծրագրեր: Պատահական չէ, որ նրա օրոք բոլոր ընտրություններում  այս մարզը լուրջ ցուցանիշներ է  ապահովել; Այսօր էլ մենք նույն ոգեւորությամբ մասնակցելու ենք խորհրդարանական ընտրությունններին, եւ անելու  ենք ամեն բան մեր Նաիրին խորհրդարանում տեսնելու համար:  Մենք նրան ենք վսահում եւ ուզում ենք որ մեր ձայնը նրա միջոցով հասնի իշխանություններին»:

Թե ինչ նոր  զարգացումներ կլինեն ՀՀ-ի մարզերում, այդ թվում նաեւ Արագածոտնում, ցույց կտա ժամանակը, որ բայց որ այստեղ իսկաօպես թեժ պայքար է լինելու՝արդեն իսկ նշմարվում  է…

Զարգացումների մասին՝ կխոսենք հաջորդիվ: