Սերիալ քննադատում են այն մարդիկ, ովքեր ինձնից ավելի լավ գիտեն սերիալի սյուժեն. սցենարիստ

Ես 2008 թվականից եմ սերիալ գրում, և սկսած այդ ժամանակաշրջանից՝ քննադատություններ կան։ Ես քննադատություններին վերաբերում եմ առողջ, երբևիցե չեմ փորձել քարկոծել,  որովհետև կարծում եմ, որ ցանկացած մարդ ունի արտահայտվելու իրավունք: Այս մասին -ի հետ զրույցում ասաց Արմենիա և ATV հեռուստաընկերություններով ցուցադրվող «Բախտաբեր», «Լույսի պահապան» սերիալների սցնարիստ Անահիտ Մխիթարյանը` անդրադառնալով սերիալների հասցեին պարբերաբար հնչող քննադատություններին:
 

«Ինչպես փորձը ցույց է տալիս՝ սերիալ քննադատում են այն մարդիկ, ովքեր ինձնից ավելի լավ գիտեն սերիալի սյուժեն, այսինքն նրանք նայում են սերիալը, դա իրենց հետաքրքիր է»,-ասաց նա:
 

Սցենարիստն ասաց, որ  շատ բաներ կախված են ֆինանսական հնարավորությունից, բոլոր ռեժիսորները և սցենարիստները կցանկանային իրականացնել նկարահանումներ, որոնք ավելի հետաքրքիր կդարձնեն պատկերը: «Մենք«Բախտաբերում» փորձել ենք անել հետաքրքիր բաներ, գեղեցիկ անցումներ: Փորձում ենք դիալոգների,  տեսարանների միջոցով չանել էժան բաներ, ես ուզում եմ, որ մարդիկ հասկական ու չհամեմատեն սերիալը գեղարվեստական ֆիլմի հետ»,-ասաց նա:
 

Անահիտ Մխիթարյանը նշեց, որ սերիալը հեռուստանախագիծ է, և շատ զայրացնող  է համարում այն, երբ ասում են, թե երեխաները սերիալով են մեծանում: «Նախ՝ երեխան չպետք է սերիալ նայի, երկրորդն էլ` նայելու դեպքում դա պետք է ընկալի որպես ժամանցի տեսակ»,-ասաց Անահիտ Մխիթարյանը:

Նա նկատեց, որ Ռուսաստանում ևս կան սերիալներ, և ոչ մեկը չի կենտրոնանում դրանց վրա: «Պետք է տարբերել. հեռուստատեսային նախագիծը ժամանց է, ո՛չ թե գեղարվետական ֆիլմ»,-ասաց նա:
Անահիտ Մխիթարյանը նշեց, որ երբ ժամանակին գրում էր «Որբերը» սերիալի սցենարը, նրան քննադատում էին՝ ասելով, թե  ամեն ինչ ուռճացված է, իրականում նման բան չկա: «Ես կարծում եմ, որ հիմա բոլորը համոզվեցին, որ շատ ավելի վատ բաներ կան: Անընդհատ ասելով՝ սա մենք չենք, խնդիրը չենք լուծելու»,-ասաց նա:

TERT.am