Սիրած աղջկա առևանգումը կազմակերպելու համար դատապարտվեց 3 տարվա պայմանական ազատազրկման

Փաստինֆոն գրում է.Սիրած աղջկա առևանգումը կազմակերպելու մեջ մեղադրվող 27-ամյա Մհերը դատապարտվել է 4,5 տարվա ազատազրկման, իսկ նրա «հանցակիցը»՝ ազգականը, ով իրականացրել է աղջկա առևանգումը, դատապարտվել է 4 տարվա ազատազրկման, սակայն նրանց երկուսի նկատմամբ նշանակված պատիժը պայմանականորեն չի կիրառվի, քանի որ սահմանվել է փորձաշրջան՝ 3 տարի ժամկետով:

Դատարանի դատավճռով՝ ամբաստանյալների նկատմամբ ընտրված խափանման միջոց կալանքը վերացվել է, և նրանք ազատ են արձակվել դատական նիստերի դահլիճից:

Ըստ մեղադրանքի՝ 27-ամյա Մհերն իր համագյուղացի, անչափահաս Էլվերինային ամուսնության նպատակով առևանգելու շուրջ նախնական համաձայնության է եկել իր ազգական Արսենի և մեկ այլ անձի հետ, ապա` կազմակերպել անչափահասի առևանգումը:

Ամբաստանյալ Մհերը, 2012թվականին տեսնելով իր համագյուղացի Էլվերինային, հավանել է նրան և լուրջ մտադրությամբ ընկերություն անելու առաջարկ կատարել, որին ի պատասխան՝ վերջինս խնդրել է սպասել:

2014թվականի հունվարին Մհերը մեկնել է Մոսկվա՝ արտագնա աշխատանքների, սակայն մշտական հեռախոսակապի մեջ է գտնվել սիրած աղջկա հետ: Հերթական հեռախոսազրույցներից մեկի ժամանակ աղջիկը խնդրել է նրան այլևս չանհանգստացնել իրեն՝ տեղեկացնելով, որ ինքն ընկեր ունի:

Այդ մասին Մհերը պատմել է Մոսկվայում բնակվող հորաքրոջ որդուն՝ գործով մյուս ամբաստանյալ Արսենին, և վերջինիս հայտնել ամուսնության նպատակով Էլվերինային առևանգելու՝ իր մտադրության մասին:

2014թվականի հունիսի 15-ին նրանք միասին վերադարձել են Հայաստան և նույն օրն ամբաստանյալ Արթուրը վարձակալել է ավտոմեքենա և ամեն օր՝ ցերեկային ժամերին, նշված ավտոմեքենայով գնացել են Էլվերինայի վարձակալած տան մոտ ու հսկել վերջինիս գործողությունները: Իսկ դեպքի օրն էլ աղջիկը դուրս է եկել տանից և ուղևորվոել «Միքայելյան» ԲԿ:

մանրամասները՝ սկզբնաղբյուրում