Սուսաննա Մարտիրոսյանը ճարահատյալ վիճակում է, եւ խնդրում է կառավարությանը, որ իրեն ձեռք մեկնեն

17 տարի է արդեն անվասալյակին գամված եմ, տղաս է ինձ պահում, ով ևս առողջական լուրջ խնդիրներ ունի և երկրորդ կարգի հաշմանդամ է», Fnews.am-ի հետ զրույցում իր կյանի պատմությունը ներկայացրեց Սուսաննա Մարտիրոսյանը:  

Տիկինը որդու հետ միասին ապրում է Սասունցի Դավիթ կայարանի հարակից տարածքում:
Ասում է խնդիրներ շատ ունի, բայց առաջին տեղում առողջությունն է. «Սխալ վիրահատության պատճառով այս օրին եմ հայտնվել, եթե կարողանաին ինձ օգնել մի փոքր տեղաշարժման խնդիրներս  լուծեմ,  շատ լավ կլիներ: Ասում են եթե մեկ անգամ էլ վիրահատության ենթարկեն, գուցե մի բան փոխվի, բայց...» ,-հուզված պատմեց տիկինը: 

Այնուհետև շարունակելով իր  խոսքն ասաց,  որ իր կյանքը դժոխք է դարձել, երբ տեսնում է, որ իր հետ միասին տանջվում է նաև որդին, ով  նույնպես առողջական խնդիրներ ունի: «Տղաս է ինձ խնամում, բայց նա էլ իր հերթին խնամքի կարիք ունի: Առաջին կարգի հաշմանդամ է»,-ասաց տիկինը:

«Առողջական խնդիրները մի կողմ դնելով մենք սոցիալական ծանր պայմաններում ենք ապրում: Պատկերացրեք երկու հոգի ովքեր առողջական խնդիրներ ունեն՝ չեն աշխատում և նրանց միակ եկամուտը թոշակն է: Այդ թոշակը չի բավարարում նույնիսկ կոմունալ վճարումներին, մենք այս ձմռանը կիսասոված օրեր ենք անցկացրել ու շարունակում ենք անցկացնել: Լույսի մարդուն հազիվ եմ համոզել, որ լույսը հանկարծ չանջատի, թե չէ մենք մթության  մեջ չենք կարող ապրել, առանց այն էլ մեծ դժվարությամբ ենք տեղաշարժվում»-պատմեց  տիկին Սուսաննան: 
Կյանքի դժվարությունների հետ  կռիվ տվող կինը  ամաչում է, բայց ճարահատյալ  է, այլեւս հույս չունի, որ մի դուռ կարող է բացվել. «Հիմա ամոթից գետինը կմտնեմ, բայց չասել էլ չեմ կարող: Ձեռքիս գումար ընդհանրապես չունեմ, էս պահին ինձ տակդիր է հարկավոր, չունեմ վերջացել է, չեմ էլ կարող գնել»:
«Խնդիրներս էնքան շատ են, որ չգիտեմ ինչից սկսեմ, ինչից վերջացնեմ: Մտածում եմ նամակ գրեմ երկրի իշխանություններին, կառավարությանը գոնե  ինձ այս դժվար պահին կարողանան  օգնության ձեռք մեկնել: Տանը մենակ ես ու որդիս ենք, այլ օգնող չունենք»,-ասաց տիկինը:

Տիկին Սուսաննային կարող եք գտնել 091783853. 010572631 հեռախոսահամարներով: