Տարածաշրջանի Մարդ՝ Հակոբ Հակոբյան

«Հայերն Աշխարհով» նախագիծը՝ 2017 թվականի «Տարծաշրջանի Մարդ» է ճանաչել գործարար, ԱԺ նախկին պատգամավոր, ծնունդով Տավուշցի Հակոբ Հակոբյանին, ով իր երկարամյա գործունեության ընթացքում մշտապես սատար է կանգնել Տավուշի տարածաշրջանի բնակչությանը՝ անկախ իր կարգավիճակից ու սոցիալ-տնտեսական առկա դժվարություններից: 

Հակոբ Հակոբյանը Տավուշի մարզում մշտապես աչքի է ընկել իր մարդասիրությամբ ու աշխատասիրությամբ, ինչն էլ տարածաշրջանի բնակիչներից շատերի գնահատմամբ՝ չի կարելի անտեսել ու  չարժեվորել:

Ի դեպ, մարզում ոչ պակաս աշխուժություն ու ոգեւորվածություն էր նկատվել նաեւ Տավուշի մարզի Դիլիջան քաղաքում նոր բացված «Դիլիջան» գարեջրի գործարանի իրողությունից, որն անշուշտ նոր աշխատատեղեր ստեղծելու տեսանկյունից՝ եւս մեկ քայլ առաջ է: 

Հիշեցնենք, որ բոլորովին վերջերս, Հանրապետության Նախագահը էկոնոմիկայի նախարարի, գործարանի ղեկավարության և հյուրերի ուղեկցությամբ շրջայց էր  կատարել նորաբաց գործարանի արտադրամասերում, ծանոթացել «Հ և Տ Հակոբյաններ» ընկերությանը պատկանող «Դիլիջան» գարեջրի գործարանում կատարված աշխատանքներին, իրականացված ներդրումներին ու ստեղծված աշխատատեղերին: Նախագահին ներկայացվել է, որ 10 մլն լիտր արտադրական հզորությամբ գործարանի ներդրումային ծրագրի ընդհանուր արժեքը կազմել է շուրջ 2,5 մլրդ դրամ: Գործարանը, որի կառուցումը սկսվել է 2013 թվականի ապրիլից և ավարտվել 2017 թվականի սեպտեմբերին, արտադրանք է տալիս ընթացիկ տարվա օգոստոսի 15-ից:

Պետությունը ևս աջակցություն է ցուցաբերել Տավուշի մարզում այս ներդրումային ծրագրի իրականացմանը. ՀՀ կառավարության որոշմամբ ընկերության կողմից իրականացվող ծրագրի շրջանակներում ներմուծվող սարքավորումների մի մասի հաշվարկվող ԱԱՀ-ի վճարման ժամկետը հետաձգվել է մինչև 3 տարի ժամկետով:

Պատասխանատուների հավաստմամբ, ներկայումս գործարանն ունի 90 աշխատող՝ 100 հազար դրամ միջին աշխատավարձով, սեզոնային աշխատանքների ժամանակ աշխատակիցների թիվը կհասնի 120-ի: 
Գործարանի արտադրանքը նախատեսվում է իրացնել ինչպես Հայաստանում, այնպես էլ արտերկրում՝ նկատի առնելով, որ գարեջրի որակական և համային հատկանիշները համապատասխանում են միջազգային չափանիշներին: Նորաբաց գործարանի արտադրանքը ծրագրվում է արտահանել ՌԴ, ԱՄՆ, Վրաստան: Ընկերության զարգացման ծրագրերում նաև կարևոր տեղ է զբաղեցնում ոչ ալկոհոլային գարեջրի արտահանումը Իրանի Իսլամական Հանրապետություն:

Շրջայցի ընթացքում Նախագահ Սարգսյանին ներկայացվել են նաև «Հ և Տ Հակոբյաններ» ընկերության կազմի մեջ մտնող մյուս ձեռնարկությունների գործունեությունն ու ընկերության զարգացման հետագա ծրագրերը:

Ի դեպ, Կիլիկիա գարեջուրը և՛ որակական, և՛ քանակային առումով հայկական շուկայի բացարձակ առաջատարն է, եւ   ակնհայտ է,  որ Դիլիջան գարեջուրը ևս,  լուրջ հաջողություններ է գրանցելու:

Առավել մանրամասն՝  մեր հաջորդ հրապարակման շրջանակներում: