Տիգրան Խաչատրյանի փաստաբանը պահանջում է կարճել քրեական գործը

Սյունիքի մարզպետ Սուրիկ Խաչատրյանի որդու` Տիգրան Խաչատրյանի փաստաբանը դիմել է վերաքննիչ դատարան`բոոքարկելով իր պաշտպանյալի նկատմամբ մեղադրանք առաջադրելու և նրա նկատմամբ խափանման միջոց կալանավորումը կիրառելու մասին որոշումները: «Փաստինֆո»-ի այս տեղեկությունները մեզ հետ զրույցում հաստատեց Տիգրան Խաչատրյանի փաստաբան Արմեն Մելքոնյանը:

Փաստաբանը նաև նշեց, որ, բացի այդ, միջնորդություն է ներկայացրել Դատախազություն` իր պաշտպանյալի նկատմամբ քրեական գործը կարճելու մասին:

Իսկ թե ինչ հիմնավորմամբ է դատախազը դիմել դատարան և դատախազություն, փաստաբանը չցանկացավ բացահայտել` հորդորելով մի փոքր սպասել:

«Երկու-երեք օրվա ընթացքում մեր միջնորդությունը կքննարկվի, այն ժամանակ էլ ես կխոսեմ»,- մեզ հետ զրույցում ասաց Արմեն Մելքոնյանը:

Մանրամասները՝pastinfo.am-ում