Թող հոգիդ հավերժ լույսերի մեջ մնա․․․ Հրաշք Սոնա

Վթար հետևանքով մահացել է լրագրող Սոնա Դավթյանը

Այսօր խոշոր ու ողբերգական ավտովթար է տեղի ունեցել Երևանում։ Ժամը 10։00-ի սահմաններում Նուբարաշեն վարչական շրջանի սկզբնամասում բախվել են Toyota Land Cruiser և Opel մակնիշի ավտոմեքենաները։

Բախման հետևանքով Opel-ը դուրս է եկել երթևեկելի գոտուց և, մոտ 100 մետր առաջ ընթանալով, հայտնվել ձորակում։ Վթարի հետևանքով 2 հոգի տեղում մահացել են, 6 հոգի տարբեր աստիճանի մարմնական վնասվածքներով տեղափոխվել են «Էրեբունի» բժշկական կենտրոն։

Վթար հետևանքով զոհերից մեկը araratnews.am-ի լրագրող Սոնա Դավթյանն է:

NewsMedia.am-ը ցավակցում է մեր սիրելի գործընկերոջ ընտանիքին ու հարազատներին՝ անդառնալի կորստի կապակցությամբ: 

Թող հոգիդ հավերժ լույսերի մեջ մնա, ՀՐԱՇՔ ՍՈՆԱ