Թուրքերը Դինքին սպանողի արմատներում հայկական հետք են փնտրում

Ստամբուլում լույս տեսնող «Ակոս» թերթի խմբագիր Հրանտ Դինքի սպանությունից հետո թուրքական հետախուզական ծառայությունը սպանությունն իրականցնող Օգյուն Սամասթի ու պատվիրատու համարվող Յասին Հայալիի գերդաստանն են ուսումնասիրել՝ հայկական արմատներ գտնելու նպատակով:
Այս մասին կա փաստաթուղթ, որը թվագրվում է 2007 թվականի հունվարի 23-ին։ Այսինքն՝ պատրաստվել է սպանությունից 5 օր անց։
Փաստաթղթում նշվում է, որ Տրապիզոնում 1981 թվականին ծնված Յասին Հայալի գերդաստանում 1904 թվականից հետո եղած տվյալներով ոչ մուսուլման լինելու մասին որևէ տեղեկություն չկա։
Նման եզրակացություն է տրվել նաև 1990 թվականին Սկյուտարում ծնված Օգյուն Սամասթի գերդաստանի առնչությամբ։ Սամասթների ընտանիքին առնչվող փաստաթղթեր կան սկսած 1899 թվականից։