Թուրքիան ուժեղ կոալիցիայի կարիք ունի. Էրդողան

Araratnews.am-ը գրում է.

Թուրքիայի նախագահ Ռեջեփ Թայիպ Էրդողանը մասնակցել է ռամադան ամսի երեկոներին կազմակերպվող ճաշկերույթին, որը տրվել է Ստամբուլի համալսարանում: Այս մասին հաղորդում է Hurriyet-ը:

Ելույթի ժամանակ նա հայտարարել է, որ երկիրն ուժեղ կոալիցիայի կարիք ունի, որը լուծումներ կգտնի գոյություն ունեցող խնդիրների համար և կաշխատի հանուն Թուրքիայի ապագայի:

Հիշեցնենք, որ հունիսի 7-ին Թուրքիայում կայացել են խորհրդարանական ընտրություններ, որի արդյունքում գործող կոալիցիան զրկվել է միայնակ կառավարություն ձևավորելու հնարավորությունից: