Ունենք 121 վիրավոր, որից 10-ը ծանր, 5-ը՝ ծայրահեղ ծանր վիճակում. ՊՆ ռազմաբուժվարչության պետ

Կայազորային հոսպիտալներ տեղափոխված վիրավոր զինվորների մահվան միայն մեկ դեպք է գրանցվել, որը եղել է Մարտակերտի հոսպիտալում, մնացած բոլոր դեպքերում յուրաքանչյուր վիրավոր զինվոր, ով հասել է վիրահատական սեղանին, փրկվել է. այսօր հրավիրված ասուլիսին տեղեկացրեց ՀՀ ՊՆ ռազմաբուժվարչության պետ, գնդապետ Կամավոր Խաչատրյանը:

Նման ցուցանիշը այդչափ վիրավորների պարագայում՝ նա աննախադեպ որակեց և նշեց, թե յուրաքանչյուր զինծառայող վիրավորի՝ ընդունված ոսկեժամի շրջանակներում ծառայությունն իրականացվել է՝ կրակի տակից դուրս են բերվել անձնակազմի կողմից, հետագայում որակավորված վիրահատական բուժում ստացել են հոսպիտալում:

Ընդհանուր վիրավորների թիվը, ըստ գնդապետի, ԶՈւ ամբողջ օպերացիայի ընթացքում 121 զինծառայող է: Ըստ նրա, վիրավորներից 5 զինծառայողների վիճակը ծայրահեղ ծանր է, 10-ը ծանր են, մյուսները թեթև բեկորային վիրավորումներ ունեն, որոնք կապաքինվեն և կուղարկվեն զինվորական ծառայության վայր:

«Ծանր վիրավորների մասով առավոտվա դրությամբ ունեինք 5 վիրավոր, քիչ առաջ զեկուցեցին, որ ծայրահեղ ծանրից մեկն արդեն ծանր է՝ ապարատը անջատվել է, կոնտակտ կա: Բայց քիչ առաջ նորից մեկ վիրավոր ընդունեցինք ծայրահեղ ծանր վիճակով, և հինգը պահպանվում է»,-ասաց նա:

տիկ վիրահատություններ կատարել ընդունված չէ, բայց իրենք ամեն ինչ արել են, որ վերջույթները փրկեն:

«Մենք ընդհուպ մեկ վիրավորի ենթածնկային զարկերակի մեծ դեֆեկտի պարագայում պլաստիկ վիրահատում ենք կատարել։ Պայքարը գնում է ոչ միայն կյանքի համար, այլ՝ հետագա հաշմանդամությունը կանխելու։ Երկու վիրահատություն է արվել, որի արդյունքում վերջույթները պահպանել են, կանխվել ամպուտացիաները»,-ասաց նա:

tert.am