Ուր է հասնում Հայկ Կյուրեղյանի գործը

Կենտրոն և Նորք-Մարաշ վարչական շրջանների ընդհանուր իրավասության դատարանի բակում օդամղիչ ատրճանակով կրակոցներ արձակելու համար 9 տարվա ազատազրկման դատապարտված Հայկ Կյուրեղյանը նորից հացադուլ է անում:

Նրա հայրը՝ Արմենակ Կյուրեղյանը Fnews.am-ի հետ զրույցում տեղեկացրեց, որ Հայկ Կյուրեղյանի հայրը՝ Արմենակ Կյուրեղյանը, որեւէ տեղեկություն չունի որդուց: Միայն նշեց, որ որդու հացադուլը շարունակելու պատճառը Գեւորգ Սաֆարյանն է, սակայն վերջինս հունվարի 17-ին դադարեցրել է հացադուլը: Նա նշեց, որ որդու հետ տեսակցել կարող է 15 օրը մեկ, իսկ նախորդ տեսակցությունից 15 օր դեռ չի անցել, ուստի տեղյակ չէ, թե նա իրեն ինչպես է զգում: «Երեւի այսօր իրավապաշտպաններ կամ պատգամավորներ կայցելեն, տեղեկություն կհաղորդեն: Միայն նրանցից ենք կարողանում տեղեկություն ստանալ»,- ասաց Արմենակ Կյուրեղյանը՝ հիշեցնելով, որ Հայկ Կյուրեյանը հրաժարվել է փաստաբանից:  ՔԿՀ տեղեկատվության եւ հասարակայնության հետ կապերի վարչությունից էլ  նշելցին, որ Հայկ Կյուրեղյանի առողջական վիճակը նորմալ է, բժիշկների հսկողության տակ է: Հիշեցնենք, որ 2014թ. հունիսի 12-ին մեկնարկած Շանթ Հարությունյանի գործով դատական նիստից րոպեներ առաջ արտակարգ դեպք էր տեղի ունեցել դատարանի բակում։ 31-ամյա Հայկ Կյուրեղյանը կանգնել էր մեքենայի վրա՝ օդամղիչ ատրճանակը ձեռքին եւ կրակել ոստիկանների վրա՝ վիրավորելով մի քանի ոստիկանի։ Ոստիկանները նրան վնասազերծել եւ բերման էին ենթարկել։ Կյուրեղյանի նկատմամբ մեղադրանք է առաջադրվել ՀՀ քրեական օրենսգրքի 258 հոդվածի 4-րդ մասի՝ «խուլիգանություն զենքի կամ որպես զենք օգտագործվող առարկայի գործադրմամբ», եւ 316-րդ հոդվածի 4-րդ մասի ՝ «իշխանության ներկայացուցչի նկատմամբ բռնություն գործադրելը» հատկանիշներով: Դատախազը պահանջել է նրան դատապարտել 14 տարվա ազատազրկման´

.