Ուշագրավ մանրամասներ՝ Քանաքեռի գնացքի գծերի մոտ 24-ամյա երիտասարդի սպանությունից

«Փաստինֆո»–ին նոր մանրամասներ են հայտնի դարձել նախորդ տարվա հոկտեմբերին 24-ամյա Լևոն Բունիաթյանի սպանության մասին, ում դին հայտնաբերվել էր Քանաքեռում՝ գնացքի գծերի մոտ։

Պարզվում է, որ գործով մեղադրյալը՝ 23-ամյա Տարոն Գալուստովը, և սպանվածը նախկինում՝ նախքան չափահաս դառնալը, արդեն դատված եղել են և երկուսն էլ պատիժ են կրել ՀՀ արդարադատության նախարարության «Աբովյան» ՔԿ հիմնարկում, որտեղ նրանց միջև ձևավորվել են մտերիմ հարաբերություններ:

Արդեն քրեակատարողական հիմնարկի «պատերից» դուրս տուժողի ու նրա ընկեր Նարեկ Գասպարյանի մտահղացած «բիզնեսպլանը» հանգեցրել է Լևոն Բունիաթյանի սպանությանը:

Ըստ այդ «բիզնեսպլանի», Լևոն Բունիաթյանն ու նրա ընկեր Նարեկ Գասպարյանը մտահղացել են ոսկյա զարդերի վաճառքով զբաղվող Տարոն Գալուստովի ընկեր Գևորգ Եսայանի միջոցով «կրկնակի եկամուտ» ստանալ: Նրանք ակնկալում էին Եսայանից պարտքով զարդեր վերցնել, վաճառել, իսկ ստացված գումարը ուղարկել Նարեկ Գասպարյանի ՌԴ-ում բնակվող ընկերոջն, ով 20 օր հետո գումարը կրկնապատկած ուղարկելու էր իրենց, արդյունքում նրանք ծրագրում էին ունենալ կրկնակի եկամուտ:

Տարոն Գալուստովն իր մոր մահից հետո մնացած ոսկյա զարդերը տվել է Լևոն Բունիաթյանին և Նարեկ Գասպարյանին` պայմանավորվելով, որ վերջիններս իրեն կվերդարձնեն 25 000 ԱՄՆ դոլլար:

Ընդ որում, վստահ լինելու համար, որ գումարը կվերադարձվի, Տարոն Գալուստովը Լևոն Բունիաթյանին և Նարեկ Գասպարյանին խաբել է և ասել, որ այդ ոսկյա զարդերը վերցրել է Գևորգ Եսայանից և գումարը պետք է իրեն վերադարձնեն:

Որոշ ժամանակ անց Լևոն Բունիաթյանը վերադարձրել է 6000 ԱՄՆ դոլարը և հայտնել, որ մնացածը կվերադարձնի պայմանավորվածության համաձայն, սակայն հետագայում այդ գումարն էլ է հետ վերցրել Տարոն Գալուստովից՝ հայտնելով, որ իրեն շտապ գումար է անհրաժեշտ՝ ամբողջ գումարը հետո միանգամից կվերադարձնի: Դրան հաջորդող երկու ամիսների ընթացքում Լևոն Բունիաթյանը չի վերադրաձրել գումարը և տարբեր պատճառաբանություններով ձգձգել է գումարի վերադարձը:

Մանրամասները՝ սկզբնաղբյուր կայքում