Վանաձորի «Բուլղարական» տնակային ավանում կանանց վեճն ավարտվել է Բավականի ճաճանչոսկրի կոտրվածքով

1in.am-ը գրում է. Լոռու մարզի ընդհանուր իրավասության դատարանում Աղասի Մկոյանի նախագահությամբ ավարտվել է Լիլիթ Ա.-ի գործի դատական քննությունը:

38-ամյա Լիլիթը, ըստ դատական ակտի, անգրագետ է: Նրա խնամքին մինչև 14 տարեկան 6 երեխա կա:

Լիլիթն իր երեխաների հետ ապրում է Վանաձորի «Բուլղարական» տանկային ավանում:

Ընդհանուր իրավասության դատարանը Լիլիթին մեղավոր է ճանաչել վիճաբանության ժամանակ տուժող Բավականի առողջությանը անզգուշությամբ միջին ծանրության վնաս հասցնելու համար՝ ՀՀ քրեական օրենսգրքի 121 հոդվածի 1-ին մասով:

Լիլիթն իրեն մեղավոր չի ճանաչել, բայց, «ըստ էության տվել է խոստովանական» ցուցմունքներ, թե 2014 թվականի սեպտեմբերի 2-ին, ժամը 13-ի սահմաններում վիճել է տուժողի հետ: Վերջինս իր ձեռքը բռնած՝ անպատվել է իրեն: Ինքը պահանջել է, որ նա չանպատվի, ձեռքը հետ է քաշել ու հրել Բավականին:

Այդ ժամանակ Բավականը հավասարակշռությունը կորցրել ու վայր է ընկել: Հետո վեր է կացել ու անիծելով հեռացել է: Ինքը դիտավորյալ չի հրել Բավականին:

Տուժող Բավականն ասել է, թե անձնագրով իր անունը Բավական է, բայց իրեն Եվգեն են ասում:

մանրամասները` սկզբնաղբյուրում