Վարդան Բադալյան. «Եթե մարդն ունի ասելիք, նա մի օր անպայման կասի»

-Ի՞նչը ստիպեց Վարդան Բադալյանին հասկանալ, որ բեմը իրենն է: -Պատկերացրեք այդպիսի պահ չի եղել, որից հետո հասկանամ, որ բեմը իմնն է, ամեն ինչ ստացվել է ինքնաբերաբար. երգում եմ մանկապարտեզից ի վեր, և միշտ երազել եմ լինել բեմում, իհարկե հասկանալով, որ այն մեծ պատասխանատվություն է, և դրա համար հարկավոր է լուրջ կրթությունն ունենալ:

Իմ կյանքում ամենակարեւորը ընտանիքն է, որի համար պատրաստ եմ ամեն ինչի

-Վարդան, ի՞նչ դեր ունի ընտանիքը Ձեր կյանքում, և արդյո՞ք կարողանում եք համատեղել աշխատանքը ընտանքի հետ: -Իմ կյանքում ամենակարևորը ընտանիքս է, որի համար պատրաստ եմ ամեն ինչի, բայց ցավոք տանը քիչ եմ լինում աշխատանքիս պատճառով, բայց եւ ձգտում եմ անել մաքսիմալը ընտանիքիս խաղաղության ու բարեկեցության համար. կինս ու երեխաս իմ թիկունքն են, ովքեր շատ զոհաբերությունների են գնում հանուն նրա, որ ես զբաղվեմ իմ սիրած աշխատանքով: -Ի՞նչպես եք վերաբերվում դավաճանությանը: -Ցանկացած կարգի դավաճանությանը շատ վատ եմ վերաբերվում, բայց ամենախորը դավաճանությունը ինձ համար հայրենիքի, ժողովրդի դավաճանությունն է, ասեմ նաև ավելին. կյանքիս սկզբունքներից է` չդավաճանելը, չխաբելը, սիրել, սիրել և միայն սիրելը: -Ձեր կյանքում հաճախա՞կի են լինում դրվագներ, որոնք ստեղծում են երջանիկ պահեր…  -Իհարկե, հետաքրքիր դրվագներ ինձ հետ միշտ էլ պատահում են, հատկապես ընկերական շրջապատում, հյուրախաղերի ժամանակ, և բոլոր այդ պահերը կյանքս ավելի հետաքրքիր ու երջանիկ են դարձնում: Վերջերս էլ համերգ էր կազմակերպվել մի երեխայի բուժման ծախսերը հոգալու համար, մենք`կոլեգաներով, կարողացանք հավաքել այդ անհրաժեշտ գումարը, և այդ փաստը ինձ շատ երջանկացրեց: -Դուք Ձեզ համարձակ մարդ համարու՞մ եք: -Այո, իրականում ինձ համարում եմ համարձակ մարդ, որովհետև շատ համարձակ քայլեր եմ արել, թե կյանքում, թե երաժշտական գործունեության ընթացքում. համարձակ մարդը նա է, ով կարողանում է լսել, հասկանալ և ընդունել իր բոլոր սխալները, իսկ ես դա կարողանում եմ… -Վարդան, ըստ Ձեզ, երիտասարդ երգիչը Հայաստանում կարո՞ղ է ապագա ունենալ: -Իհարկե կարող է ունենալ ապագա, չնայած կան բազմաթիվ խնդիրներ, որոնցից կախված է ապագան, այնուամենայնիվ իմ ներքին համուզմունքն այն է, որ եթե մարդն ունի ասելիք, նա մի օր անպայման կասի: -Ի՞նչ նորություններ ունի Վարդան Բադալյանը ստեղծագործական կյանքում: -Վերջերս կյանքի կոչվեց իմ երկրորդ` «Տաղ հայտնության», ալբոմն ու տեսահոլովակը Հայաստանի ազգային նվագարանների պետական նվագախմբի մասնակցությամբ: Ավելին`իմ երազանքն էր հանդես գալ նման նվագախմբի հետ. միասին աշխատել ենք երկու տարի, գրեթե օր ու գիշեր, բավականին ծավալուն էր, քանի որ նվագակցում էին քառասունից ավել երաժիշտներ, և փառք Աստծո ամեն ինչ ստացվեց շատ լավ, և շնորհակալ եմ նվագախմբի բոլոր երաժիշտներին, հանձինս դիրիժոր`Նորայր Դավթյանին: Այս պահին պատրաստվում եմ նկարահանել նոր տեսահոլովակ, իհարկե կյանքի կկոչվեն նաև նորանոր երգեր:

Եվ իրոք, եթե մարդն ունի ասելիք, նա մի օր պետք է ասի, իսկ Վարդան Բադալյանն արդեն իր ասելիքն ասել է բազմիցս անգամներ… forums.am-ը, Վարդան Բադալյանին ցանկանում է նորանոր համարձակ քայլեր և բազում հաջողություններ:

Զրուցեց` Դիանա ԿԱՐԱՊԵՏՅԱՆԸ