Վայքի քաղաքապետի ընտրություններում արդեն առաջադրվել է մեկ հոգի

Վայքի քաղաքապետի ընտրություններում թեկնածուների առաջադրման հենց առաջին օրը՝ դեկտեմբերի 24-ին, իր փաստաթղթերն է ներկայացրել Հանրապետական կուսակցության ներկայացուցիչը: Կենտրոնական ընտրական հանձնաժողովի մամուլի քարտուղար Հերմինե Հարությունյանն shabat.am-ի թղթակցին ասաց, որ երեկ իր փաստաթղթերն է ներկայացրել ՀՀԿ-ի կողմից առաջադրված Արագած Հակոբի Սաղաթելյանը:

Նա «Վայք» Ջրօգտագործողների ընկերություն գործադիր տնօրենն է:

Վայքի քաղաքապետի ընտրություններում թեկնածուների փաստաթղթերի ընդունումը լինելու է դեկտեմբերի 24-28: Թեկնածուների գրանցումը կլինի դեկտեմբերի 28-30-ը, նախընտրական քարոզչությունը՝ հունվարի 6-16, իսկ արտահերթ ընտրությունները կկայանան հունվարի 18-ին:

Հիշեցնում ենք, որ Վայքի քաղաքապետի պաշտոնը զբաղեցնում էր Հարություն Սարգսյանը: Վայոց Ձորի մարզպետ Էդգար Ղազարյանի Լեհաստանում Հայաստանի արտակարգ և լիազոր դեսպան նշանակվելուց հետո Հարություն Սարգսյանը նշանակվեց Վայոց Ձորի մարզպետ: