Վնասվածքն ստացել էր, ոչ թե ցանկապատն անցնելիս, այլ՝ եղունգկտրիչի հարվածից

Հունվարի 20-ին՝ ժամը 08:20-ին, հիվանդանոցից ոստիկանության Ստեփանավանի բաժնում հաղորդում էր ստացվել, որ մարմնական վնասվածքներով բուժօգնության է դիմել 1989 թ. ծնված Էմիլ Ե.-ն և հայտնել, որ վնասվածքներն ստացել է ցանկապատն անցնելիս վայր ընկնելու հետևանքով:

Ոստիկանության պաշտոնական կայք-էջից տեղեկանում ենք, որ նյութերի նախապատրաստման ընթացքում պարզվել է, որ հունվարի 20-ին՝ ժամը 01:00-ի սահմաններում, Ստեփանավանի քաղաքային այգում Էմիլ Ե.-ի և նրա ընկերոջ` 1990 թ. ծնված Արծրուն Մ.-ի միջև տեղի է ունեցել վիճաբանություն, որի ընթացքում վերջինս ձեռքով հարվածել է Էմիլ Ե.-ի դեմքին, իսկ ձեռքին եղած դանակով /եղունգ կտրիչ/՝ ազդրին ու նստատեղին:

Նշանակվել է դատաբժշկական փորձաքննություն:

Կատարվում է հետաքննություն: