«Վոլցվագեն»-ը հայտնվել է հարակից դաշտում. վարորդը հոսպիտալացվել է

Հունիսի 15-ին` ժամը 03:46-ին, ահազանգ է ստացվել, որ Իջևան-Կայան ավտոճանապարհին տեղի է ունեցել ավտովթար. կա տուժած:

Դեպքի վայր է մեկնել մեկ մարտական հաշվարկը:

Ըստ Տարածքային կառավարման և արտակարգ իրավիճակների նախարարության պաշտոնական կայք-էջի, պարզվել է, որ Իջևան-Ազատամուտ ավտոճանապարհի 15-րդ կմ-ում «Վոլցվագեն» մակնիշի 34 ML 728 պ/հ (վարորդ Գ.Մ. ծնվ. 1988թ.) ավտոմեքենան դուրս է եկել ավտոճանապարհի երթևեկելի հատվածից և հայտնվել հարակից դաշտում:

Հրշեջ-փրկարարները վարորդ` Գ.Մ.-ին մոտեցրել են շտապօգնության ավտոմեքենային: Տուժածը տեղափոխվել է Իջևան քաղաքի ԲԿ, որտեղ բժիշկները տուժածի առողջական վիճակը գնահատել են բավարար:

Հրշեջ-փրկարարները հոսանքազրկել են ավտոմեքենան և փակել գազի փականը: