Վստահ ենք, որ քաղաքապետի թեկնածու Օհան Հարությունյանը կուղղի քաղաքի «մեջքը»

Հոկտեմբերի 21-ին Հայաստանի 9 մարզերում՝ Արագածոտնում, Արարատում, Արմավիրում, Գեղարքունիքում, Լոռիում, Կոտայքում, Շիրակում, Սյունիքում, Տավուշում, համայնքների տեղական ինքնակառավարման մարմինների հերթական և արտահերթ ընտրություններ կլինեն։

Արդեն առիթ ունեցել ենք խոսելու, թե այս օրերին ինչպիսին է նախընտրական պատկերը՝ Արագածոտնում, Արարատում, Արմավիրում, Գեղարքունիքում, Լոռիում, եւ մի շարք այլ մարզերում:Այս անգամ, փորձեցինք պարզել՝ ինչպիսին է նախընտրական տրամադրությունը Արմավիր քաղաքում, ուր թավշյա հեղափոխությունից հետո, ՀՀԿ-ական քաղաքապետ Ռուբեն Խլղաթյանը նույնպես հրաժարականի դիմում ներկայացրեց:
Հիշեցնենք, որ Արմավիր քաղաքում ընտրապայքարին մասնակցում են 4 թեկնածու, որոնցից միայն մեկն է կուսակցական։

Համայնքի ղեկավարի 4 թեկնածուներից մեկը՝ անկուսակցական Ժիրայր Աբրահամյանն է, որը մեկ անգամ եղել է ավագանու անդամ:

Ընտրապայքարի մյուս մասնակիցը Օհան Հարությունյանն է։ Նա նույնպես անկուսակցական է. 2 անգամ եղել է Արմավիրի ավագանու անդամ։

Արմավիր համայնքի ղեկավարի պաշտոնում կուսակցական թեկնածու Խուդաթյան Դավիթը ներկայացնում է «Քաղաքացիական պայմանագիր» կուսակցությունը։ Մյուսը՝ անկուսակցական թեկնածու Սևակ Մինասյանն է, ով մասնագիտությամբ իրավաբան է:
Սկզբից եւեթ նշենք, որ ի տարբերություն անցած տարիների, ներկայումս արմավիրցիները մեծ հույս ունեն, որ իսկապես տեղի կունենան ազատ արդար եւ թափանցիկ ընտրություններ՝վստահ լինելով որ յուրաքանյուրի քվեն կհասնի՝ հասցեատիրոջը:

Հետաքրքիր էր նաեւ այն հանգամանքը, որ եթե նախկինում բնակիչներին գրեթե չէր հետաքրքրում թե ով է այս կամ այն թեկնածուն, ապա այս անգամ նրանք շատ ավելի տեղեկացված էին ու պատրաստված: Արմավիրցիները շատ լավ գիտեին ու տեղեկացված էին առաջադրված թեկնածուների մասին, ու նշում էին, որ ամեն մեկն իր հերթին ինչ-որ ձեւով իր ճանապարհն է հարթել ու որոշակի ձեռքբերումներ գրանցել:

Արմավիրցիներից շատերը, մեզ հետ ունեցած զրույցի շրջանակներում նշում էին, որ լավ է երբ բոլոր թեկնածուներն էլ պատրաստակամ են ստանձնելու Արմավիր համայնքի ղեկը. լավ է, որ նրանք հիմնականում պատրաստված են, բայց քաղաքի կենտրոնում հավաքված արմավիրցիները խոստովանում էին, որ մեծ հույսեր են կապում հատկապես քաղաքապետի թեկնածու Օհան Հարությունյանի հետ,ում հետ բազում առիթներով շփվել են համայնքային խնդիրներին առնչվելիս եւ մշատպես գոհ են եղել նրա մարդկային որականերից:

Ու ինչպես նկատեց արմավիրցի 53-ամյա Ն. Գեւրորգյանը. «Ես կարող եմ վստահորեն ասել, որ մեր Օհանը շատ գրագետ, պատրաստված խելացի թեկնածու է: Մենք նրա աշխատանքին, նրա ձեռագրրին, աշխատանքային ոճին ու նաեւ մարդկային որակներին հացրել ենք ծանոթանալ՝ նրա ավագանի աշխատելու ժամանակահատվածում: Եւ պետք է նշեմ, որ նա իսկապես արժանի թեկնածու է համայնքի ղեկավարի գործը ստանձնելու համար: 

Շատ լավ ընտանիքի զավակ է, ժողովրդի միջի մարդ.նա երբեք չի հեռացել արմավիրցիների կողքից, ու մշտապես վեր է բարձրացրել այն խնդիրները, որոնք որ բարձրացվել են բնակիչների կողքից»:
35-ամյա Գ. Մանուկյանն էլ իր խոսքում նշեց թե. «Սաղ թեկնածուներն էլ մերն են, լավն են, մեր համար են մարդիկ ուզում մի լավ բան անել: Բայց պետք ա ասեմ, որ Օհանի մեջ կազմակերպչական մեծ ջիղ կա: Նա իսկապես աշխատասեր ա, ու պատասխանատավության մեծ զգացումով ա օժտված»:

Իսկ ահա ներկաներից՝Ա. Ասլանյանն էլ նշեց, որ ինքը Խուդաթյան Դավիթին է իր ձայնը տալու: Ի դեպ, մեր զրույցի ընթացքում , քաղաքի կենտրոնում հավաքվածներին  միացան նաեւ կողքի փողոցի տարեցները, ովքեր պարզելով զրույցի թեման, իրենց հերթին ավելացրեցին, որ կուզենային էն մարդը դառնար քաղաքապետ, ում աշխատանքը իրենք տեսել են:

«Դեմ չենք. ով էլ լինի՝ հաստատ էն նախորդներից լավը կլինի: Դավիթն էլ, Սեւակն էլ, մեր մյուս  տղան էլ կուզենան աշխատել, մի բան անել  քաղաքի համար: Չգիտնեք՝դե վերջը ոնց կստացվի: Բայց աղջիկ ջան մեր Օհանի մասին հաստատ կարամ ասեմ.(գրեք՝խոսքս չհանեք.հեղ):Նա մեծի հետ մեծ ա, փոքրի հետ փոքր:Նա շատ լավ գիտի ինչ բան ա քաղաքային խնդիրն ու պրոբլեմը, գիտի ոնց շփվի իր քաղաքի բնակիչների հետ, ու գիտի իր խոսքին տեր կանգնել: Ամենակարեւորը՝ որ նա անփորձ չէ, եւ գիտի ինչ բան է կառավարումը:

Եթե Օհանի պես քաղաքապետ ունենանք՝հանգիստ կլինենք: Նա իր տեսակով համախմբող, համերաշխ, ժողովրդի միջից դուրս եկած երիտասարդ ա. դրա համար շատ կուզենայինք իրեն տեսնել մեզ ղեկավար: Դե ազատ, արդար ընտրություններ կլինեն.չենք կասկածում մեր ձայնը տեղ կհասնի:

Բոլորի ծրագրերի հետ էլ ծանոթանում ենք, լսում ենք, վերլուծում: Եւ ուզում ենք հավատալ, որ մեր քաղաքում իսկապես կհաղթի արժանի թեկնածուն»:

Հարցումների ընթացքում լսեցինք նաեւ երիտասարդության կարծիքը. հավաքվածներից որոշները խոստովանեցին, որ հակված են քաղաքի ժամանակավոր պաշտոնակատարի կողմը, որոշները նշեցին, որ Սեւակն էլ գուցե կարողանա ինչ-որ բաներ անել քաղաքի համար, իսկ մի զգալի շրջանակ էլ անկեղծացավ, որ քաղաքապետի թեկնածու Օհան Հարությունյանի ընտրվելու դեպքում. կասկած չունեն, որ քաղաքը զարգացում եւ առաջընթաց կունենա: Նրանք մատնացույց արեցին Օհան  Հարությունյանի անցած ճանապարհը, նրա ունեցած ձեռքբերումները, բանիմացույթունն ու մեծ աշխատասիրությունը ասելով, որ նա իսկապես կշտկի Արմավիր քաղաքի «մեջքը»:

Արմավիրյան նախընտրական անցուդարձի մասին՝կխոսենք նաեւ մեր մյուս հրապարակումներում:

Արմավիր-Երեւան