Վթարի հետեւանքով մահացած 36-ամյա տղամարդը Ֆինանսների նախարարությունում բաժնի պետ էր

Երեւանի Դուրյան թաղամասում՝ պաշտպանության նախարարության շենքի մոտակայքում դեկտեմբերի 20-ի երեկոյան տեղի ունեցած վթարի հետեւանքով մահացածը ՀՀ ֆինանսների նախարարության աշխատակից, 36-ամյա Վազգեն Գաբրիելյանն է:

NEWS.am-ի այս տեղեկությունը հաստատեցին ֆինանսների նախարարությունում:

Վազգեն Գաբիրելյանը ամուսնացած էր, երկու անչափահաս դուստրերի հայրը: 

Այս մասին NEWS.am-ին հայտնեցին ֆինանսների նախարարությունից, որտեղ նա այս տարվանից աշխատում էր որպես ներքին աուդիտի վարչության Ֆինանսաբյուջետային համակարգի ներքին աուդիտի բաժնի պետ: Վազգեն Գաբրիելյանը մինչեւ այդ աշխատել է բանկային ոլորտում:

Ավելի վաղ NEWS.am-ը հայտնել էր, որ բախվել էին «Լադա» եւ եւ «ԳԱԶել» մակնիշի ավտոմեքենաները, ինչի հետեւանքով «Լադա»-ի ուղեւոր՝ 1984 թվականին ծնված Վ. Գ.-ը, տեղում մահացել էր: