Ղրիմի բարձրաստիճան պատվիրակության այցը բացահայտեց մի շարք իրողություններ
Ղրիմի օրերը Հայաստանում, որոնք անցան շատ սոլիտ մակարդակով եւ հագեցած ծրագրով, ցույց տվեցին երեք իրողություն: Առաջինն այն էր, որ Ղրիմի պաշտոնական պատվիրակությունը, որի կազմում էր Ղրիմի ներկայացուցիչը ՌԴ նախագահի մոտ, երկու փոխվարչապետ, Աժ հանձնաժողովի նախագահ եւ այլն առավել քան ներկայացուցչական էր եւ մեծ տեղ է տրվում Ռուսաստանում Հայաստանի հետ կապերի զարգացմանը: Պատահական չէ, որ պատվիրակության այցը սկսվեց Ծիծեռնակաբերդում` Մեծ եղեռնի զոհերի հուշարձանին ծաղիկներ դնելով եւ հարգանքի տուրքը մատուցելով:
Երկրորդ հանգամանքն այն էր, որ այսպիսի ներկայացուցչական պատվիրակությունը Հայաստան էր ժամանել ՍԻՄ նախագահ, «Ուժեղ Հայաստանը Ռուսաստանի հետ. հանուն նոր Միության» շարժման համահիմնադիր Հայկ Բաբուխանյանի հրավերով: Նշենք նաեւ, որ Հ. Բաբուխանյանը հանդիսանում է Ղրիմի Հանրապետության ներկայացուցիչը Հայաստանում եւ «Ղրիմի բարեկամներ» միջազգային ասոցացիայի փոխնախագահը: Հետեւապես Գեորգի Մուրադովի ղեկավարած պատվիրակության այցը եկավ ընդգծելու, ինչպես «Ղրիմի բարեկամներ» միջազգային ասոցացիայի գործունեությանը կարեւորությունը, այնպես էլ «Ուժեղ Հայաստանը Ռուսաստանի հետ. հանուն նոր Միության» շարժման առկայությունը: Համենայնդեպս դժվար է հիշել մեկ այլ դեպ, երբ այս կարգի բարձրաստիճան պատվիրակության ընդունող կողմը ոչ թե երկրի կառավարությունն է, այլ հանրային կառույցները: Ի դեպ, Ղրիմի պաշտոնական պատվիրակության այցի ծրագրում նախատեսված էր հանդիպում «Ղրիմի բարեկամներ» հայկական ակումբի եւ հայ-ռուսական հարաբերությունների սերտացմանն ուղղված հանրային շրջանակների հետ: Ու, թեեւ, հանդիպումը անցավ առանց լրագրողների մասնակցությամբ, հայտնի է, որ այնտեղ էին ոչ միայն Հայկ Բաբուխանյանը եւ ՍԻՄ կուսակցության ղեկավարության ներկայացուցիչները, այլեւ շարժման գործադիր կոմիտեի խորհրդի ու կանանց խորհրդի անդամները:
Երրորդ իրողությունն այն է, որ Հայաստանի իշխանությունները որեւէ կերպ չարձագանքեցին Ղրիմի Հանրապետության պաշտոնական պատվիրակության այցին: Ավելին, այս հարցում , չգիտես ինչու, պաշտոնական Երեւանը հլու-հնազանդ ենթարկվում է արեւմտյան տեսակետին, այսինքն` մասնակցում է Ղրիմի Հանրապետության դեմ պատժամիջոցներին: Հենց այդ է պատճառը, որ պաշտոնական մակարդակով արհամարվեց նման բարձրաստիճան պատվիրակությունը: Այդպիսի ծառայամտության դրսեւորումներից է նաեւ Երեւան-Սիմֆերոպոլ ուղիղ ավիաչվերթի արգելումը, ուղիղ տնտեսական կապերի սառեցումը եւ այլն: Եվ եթե մինչ պատերազմը Նիկոլը կարող էր փորձել բացատրել իր այդ դիրքորոշումը, ապա պատերազմից հետո, երբ մեզ փրկության եկավ Ռուսաստանը եւ երբ պարզ դարձավ, որ արեւմուտքը խորապես թքած ունի թե՛ ազգերի ինքնորոշման իրավունքի վրա, եւ թե՛ ընդհանրապես մեր ճակատագրի առումով ներկայումս նման արհամարհական կեցվածքը պարզապես անբացատրելի է: Ի դեպ, հատկանշանակ մի փաստ` Ղրիմի օրոեր միջոցառումներին Հայկ Բաբուխանյանի հրավերով ակտիվորեն մասնակցում էր Արցախի խորհրդարանի պատվիրակությունը: Ավելին, տեղի ունեցավ Արցախի պատվիրակության հանդիպումը Ղրիմի պաշտոնական պատվիրակության անդամ Ղրիմի խորհրդարանի պատգամավոր Արմեն Մարտոյանի հետ: Իսկ կոֆե ընդմիջումների ժամանակ Արցախի պատգամավորները ակտիվորեն զրուցում էին Ղրիմի պատվիրակության նաեւ այլ անդամների հետ: Կարելի է ենաթադրել, որ այդ շփումները կլինեն ի նպաստ Արցախի: Ընդհանրապես Արցախ-Ղրիմ կապերի զարգացումը կարող է ունենալ մեծ հեռանկար, սակայն կարծես թե այս ամենը Հայաստանի իշխանություններին չի էլ հետաքրքրում:
Ա. Հովհաննիսյան
Մեգերյանների ընտանիքը զբաղվել է հին գորգերի վերականգնումով և նոր գորգերի արտադրությանբ ավելի քան չորս սերունդ
Եւ այսօր իրապես մեծ է փաստաբան Լեւոն Բաղդասարյանի նման հանուն իրավունքի եւ արդարության շահը ճանաչող ու ամեն ինչից վեր...
Մարդու ամենամեծ ձեռքբերումը՝ հավատն եմ համարում.Սամվել Շահնազարյան
Գյումրիում ՔՊ-ն համայնքի ղեկավարի ընտրության օրակարգով արտահերթ նիստ է հրավիրել
Փողի «բազառ»՝ քաղաքապետի և նախարարի միջև
Տեղեկություններ ունենք՝ ՔՊ-ն դեմ է քվեարկելու Անկախության հռչակագրի անժամանցելիության մասին նախագծին...
Ինչ են հորդորել Արցախի ռազմաքաղաքական ղեկավարները Բաքվից
Ալավերդու համայնքապետարանը 3,8 մլն դրամի պայմանագրեր է կնքել ավագանու անդամի մոր ԱՁ-ի հետ․ «Հետք»
